Самарқанд давлат архитектура қурилиш

 
 
5.4.1. Raqobatchining kuchli tomonlarini yengish. 
Raqobatchi bilan o’z kuchli tomonlarini, tovar narxlarini, 
namunalarni, marketing taktikalarini va geografik hududlarni taqqoslash 
zaruriyatining ikki jiddiy sababi mavjud:
1. Kuchsiz raqobatchidan o’zib ketish mumkin. Kuchsiz 
raqobatchining kuchli tomonlariga yaxshiroq mahsulot, samarali harakat, 
tashkiliy qarorlar orqali ya’ni foydali tovar sotuvlarini va bozor 
sigmentini raqobatchidan olib quyish orqali zarba berish mumkin.
2. Kuchli raqobatchining ustunligini pasaytirish mumkin. Bunda 
muvaffaqqiyat qanday xarajatlarni talab qilishiga bog’liq. Yaxshi tashkil 
etilgan hujumda o’xshash tovarlarni arzonroq narxda iste’molchilarga 
taklif etish usuli qo’llaniladi. Yaxshi himoyalangan raqobatchilarga 
narxlarni agressiv pasaytirish orqali hujum qilish maqsadga muvofiq 
emas. Hujum yaxshi tashkil etilishi uchun tovar ishlab chiqarishda 
xarajatlar pastroq va hujum moliyaviy ta’minlangan bo’lishi lozim. 

---

148 
Kuchli raqobatchiga bir yoki bir necha yo’nalishlarda hujum uyushtirish 
tavsiya etiladi. Narxlarni pasaytirish, reklamadan foydalanish, tovarni 
yangi sifatlariga e’tiborni jalb etish, yangi ishlab chiqarish quvvatlarini 
tashkil etish shular jumlasidandir. Raqobatchining savdo modelini aynan 
takrorlovchi tovarlarni pastroq narxda iste’molchiga taklif etish orqali 
hujum qilish birinchi klassik usullardan hisoblanadi. 
Ikkinchi klassik usul past xarajatlarda raqibga nisbatan ustunlikka 
ega bo’lish orqali tovar narxlarini pasaytirib, raqibga zarba berishdir. 
Past xarajatlarda ustunlikka ega bo’lmay turib, narxlarni pasaytirish faqat 
moliyaviy imkoniyatlar yuqori bo’lganda maqsadga muvofiq. 
5.4.2. Raqobatchining kuchsiz tomonlariga hujum. 
Raqibning kuchsiz tomonlariga asoslanib, ustunlikka ega 
bo’lishning bir-necha yœnalishlari mavjud. 
1.
Asosiy kuchlarni raqibning mavqei kuchsiz hisoblangan bozorlarga 
qaratish. 
2.
Raqib qo’ldan chiqargan yoki xaridorlarga yomon xizmat 
ko’rsatadigan bozor segmentlariga e’tiborni qaratish. 
3.
Tovar sifati va texnologiyadan foydalanish darajasi past hisoblangan 
raqobatchilarning mijozlarini jalb etish. 
4.
Noma’lum tovar markasiga ega bo’lib, o’z tovarlarini kuchsiz 
reklama qiladigan raqib mijozlarini jalb etish. 
5.
Raqobatchilarning qanchalik orqada qolayotganligini ko’rsatadigan 
ilg’or tovarlarni bozorga taklif etish va ularni kuchli reklama qilish.