Самарқанд давлат архитектура-қурилиш институти “Қурилишда менежмент” кафедраси “солиқ ВА солиқҚа тортиш”

Бошқа даромадларга қуйидаги даромадлар киради:

• 
  пенсиялар ва қонун ҳужжатларида белгиланган нафақалар;
  
• 
  стипендиялар;
  
• 
  фуқароларнинг ўзини ўзи бошқариш органлари, ҳайрия ва экология жамғармалари томонидан жисмоний шахсларга бериладиган нафақалар ҳамда бошқа турлардаги ёрдам;
  
• 
  донорлик учун пул мукофотлари;
  
• 
  алиментлар;
  
• 
  жисмоний шахслардан текин (шу жумладан ҳадя шартномалари бўйича) олинган мол-мулк ёки мулкий ҳуқуқлар қиймати;
  
• 
  мусобақаларда, кўрикларда, танловларда совринли ўринлар учун бериладиган совринлар, пул мукофотлари;
  
• 
  олинган грантлар ва бошқалар (Солиқ кодекси 178-модда).
  

Молиявий йилда солиқ солинадиган даромадга эга бўлган барча жисмоний шахслар бу турдаги солиқни тўловчилари ҳисобланади.
Ўзбекистон Республикаси резиденти бўлган шахслар Ўзбекистон Республикасидаги ва ундан ташқаридаги фаолияти манбаларидан олган даромадлари бўйича солиқ тўлайдилар.
Ўзбекистон Республикаси резиденти бўлмаган шахсларга фақат Ўзбекистон Республикаси ҳудудидаги фаолиятидан олган даромадлари бўйича солиқ солинади.
Жисмоний шахсларнинг Ўзбекистон Республикасидан ташқарида тўланган солиқ суммаси халқаро шартномаларда кўрсатилганлигига мувофиқ ҳисобга олинади. Ҳисобга олинадиган суммалар миқдори Ўзбекистон Республикасида амал қилаётган ставкалар бўйича ҳисобланиб чиқилади даромад солиғи суммасидан ошмаслиги керак.
Солиқ объекти бўлиб жами йиллик даромад билан чегирмалар ўртасидаги фарқ ҳисобланади.
Солиқ тўловчи шахсларнинг даромад манбалари қуйидагилар:

• 
  Меҳнатга ҳақ тўлаш шаклда олинадиган даромадлар;
  
• 
  Мулкий даромадлар;
  
• 
  Тадбиркорлик фаолиятидан келадиган ялпи даромадлар.
  

Меҳнатга ҳақ тўлаш шаклида олинадиган даромадларга жисмоний шахсларнинг меҳнат шартномаси бўйича қилинган ишлардан ва фуқаролик-ҳуқуқий шартномалар бўйича олинадиган даромадлари киради.
Меҳнатга ҳақ тўлаш шаклида олинадиган даромадларига қуйидагилар ҳам киради:
а) ходимларга сотиладиган товарлар (ишлар, хизматлар) қиймати билан бундай товарларни (ишларни, хизматларни) харид қилиш нархи ёки уларнинг таннархи ўртасидаги манфий фарқ;
б) Юридик шахс (иш берувчи) томонидан ўз фаолияти билан боғлиқ бўлмаган, ходимларнинг чиқимларини қоплаш учун қилинган харакатлар;
в) Ходим иш берувчига тўлаши керак бўлган иш берувчининг қарори билан ҳисобдан чиқарилган қарз суммалар;
г) Иш берувчи ўз ходимларининг ҳаёти ёки соғлиғини ихтиёрий суғурталаш бадалларини тўлаш учун кетган харажатлар;
д) Иш берувчининг жисмоний шахсдан ушлаб қолиниши керак бўлган тўловлар юзасидан тўланган суммаси;
е) Иш берувчининг ўз ходимларининг бевосита ёки билвосита даромадларини ташкил этадиган бошқа харажатлар.
Масалан, коммунал хизматлар, турар жой учун тўлов, давлат пенсиясига қўшимча тўлов, йўл чипталари қиймати, овқатланиш учун қўшимча тўлов суммаси, газета ва журналлар обунаси суммаси, туристик йўлланмалар, спорт сектсияларига абонентлар ва бошқа харажатлар.
Жисмоний шахсларнинг мулкий даромадига олинган фоизлар, дивидентлар, мол-мулкни ижарага беришдан келадиган даромадлар киради.
Жисмоний шахсларнинг тадбиркорлик фаолиятидан келадиган даромадларга товарлар (ишлар, хизматлар) реализатсиясидан, қонун хужжатларидан тақиқланмаган, якка тартибда амалга оширилаётган бошқа фаолиятдан келадиган барча тушумлар ушбу даромадни топиш билан боғлиқ харажатлар, мажбурий тўловлар, чиқимлар ва ажратмаларни чегириб ташлашган ҳолда киради.
Фуқароларнинг асосий иш жойи бўлиб меҳнат дафтарчаси юритиладиган корхона, муассаса ва ташкилот ҳисобланади.
Жисмоний шахсларнинг иш ҳақлари, мукофот пуллари бошқа даромадларидан солиқ қуйидаги миқдорда ундирилади.