Сайтидан Малака ошириш

https://uz.wikipedia.org/wiki/Malaka_oshirish сайтидан
Малака ошириш, Кадрлар малакасини ошириш ва уларни қайта тайёрлаш (ЎзРда) — узлуксиз таълим тизими турларидан бири, халқ хўжалигининг барча соҳасида ишловчи мутахассислар ва раҳбар ходимларнинг касбий билим ва кўникмаларини янгилаш ҳамда чуқурлаштириш жараёни. Кадрларнинг рақобатбардошлик сифатлари ҳамда билим ва кўникмаларининг замон талабларига жавоб бера оладиган даражада бЎлишини таʼминлайди. Малака ошириш ва қайта тайёрлаш ҳар бир ходимнинг Ўз мутахассислиги бЎйича сўнгги фан ютуклари, янгиликлари билан танишиш, уларни Ўзлаштириш, янги амалий иш усуллари, илгор иш тажрибаларини ўрганишдан иборат илмий назарий ҳамда амалий тайёргарлик жараёни ҳисобланади. Малака ошириш ва кайта тайёрлаш даврийлиги турли мутахассислар ҳамда раҳбар ходимлар учун турлича бЎлиб, 2—5 йилда 1 марта, зарур ҳолларда бундан қисқа муддатларда Ўтказилади. Малака ошириш ва қайта тайёрлаш университетларда, малака ошириш институтларида қамда профессионал қайта тайёрлаш ҳуқуқига эга бЎлган Ўқув марказларида амалга оширилади. Мазкур жараён ишлаб чиқаришдан ажралган, қисман ажралган ва ажралмаган ҳолда бўлиши мумкин. Унинг шакли Малака ошириш таъиммуассасаси томонидан таълим дастурининг мураккаблиги эътиборга олинган ҳолда ва буюрмачининг у билан тузилган шартномаси асосидаги эҳтиёжларига мувофиқ равишда белгиланади. Малака ошириш ва қайта тайёрлаш муддати турлича бЎлиб, ҳар бир ҳолда қЎйилган мақсад ҳамда вазифаларга мувофиқ белгиланади. Малака ошириш ва қайта тайёрлаш таъиммуассасаси Ўқув жараёнини мақсадли ташкил этиш, таъимшакли, услублари, технологиясини қЎллаш орқали тингловчиларга таъимдастурларини Ўзлаштиришлари учун зарур шароитлар яратади. Мазкур дастурлар малака ошириш таъиммуассасалари томонидан буюртмачи эқтиёжларини, шунингдек, қЎшимча касб таʼлими дастурлари мазмуни олдига қЎйилган давлат талабларини эʼтиборга олган ҳолда ишлаб чиқилади, тасдиқланади ва амалга оширилади. Мутахассисларни профессионал Малака ошириш ва кайта тайёрлаш жараёни якуний давлат аттестацияси билан тугалланади. Аттестацияни ўтказиш тартиби таълимни бошқариш бўйича тегишли давлат органлари томонидан белгиланади. Ўқув режасининг барча талабларини бажарган, якуний давлат аттестациясидан муваффақиятли Ўтган тингловчилар Малака ошириш ва қайта тайёргарликдан ўтганлиги ҳақида белгиланган намунадаги диплом ёки сертификат оладилар. Кадрлар малакасини ошириш ва уларни кайта тайёрлаш тартиби ЎзР Вазирлар Маҳкамаси томонидан белгиланади.