Сайёр суд мажлиси: таҳлил ва таклифлар

Судьянинг низони сайёр суд мажлисига
тайинлаганлиги салбий оқибатга олиб келган
Туманлараро суди даъвогар С.Икромованинг жавобгар 
М.Каримовга нисбатан никоҳдан ажратиш ҳақидаги 
даъво аризаси туман ҳотин-қизлар қўмитаси раисининг 
илтимосига биноан М.Каримовнинг яшаш жойдаги МФЙ 
биносига тайинланган. Суд муҳокамасига МФЙ фаоллари ва 
М.Каримовнинг яқин қўшнилари чақирилган. Жавобгарнинг 
фуқаролик ишлари бўйича суд ишлари ҳақида тушунчаси 
бўлмаганлиги оқибатида, суд муҳокамаси жараёнида 

---

51
даъвогарга “мен энди судланган бўлиб қоламан” деган 
фикр билан тан жароҳати етказган ва даъвогар шифохонага 
ётқазилган. Натижада эса, М.Каримовга нисбатан жиноят 
иши қўзғатилган.
Судьянинг суд қарорини эълон қилиш 
қоидаларини бузилиши ҳолати
Туманлараро суди даъвогар туман ҳокимиятининг 
5 нафар фермер хўжаликлардан ер майдонини қайтариш 
ҳақидаги даъво талабини фермер хўжаликларидан бири 
эгаллаб келаётган ер майдонининг ўртасига тайинлаган. 
Сайёр суд мажлиси ўтказаётган ер майдонига фақат битта 
стол ва иккита стул қўйилган. Суд процессини ўтказиш ва ҳал 
қилув қарорини маслаҳатхонада қолиб эълон қилиш тартиби 
судья томонидан бузилган ҳолда, даланинг ўзида ҳал қилув 
қарори эълон қилинган.
Тараф бошқа тумандан сайёр суд мажлисига
келмаганлиги
Туманлараро судига даъвогар И.Камолов жавобгар
З.Исроиловга нисбатан қарз ундириш ҳақидаги даъво 
ариза билан судга мурожаат қилган. Суд мажлиси И.Камолов 
яшаётган туман худудидаги ҳалқ қабулхонаси биносига 
тайинланган. З.Исроилов яшаётган тумандан суд мажлиси 
тайинланган тумангача бўлган масофа 67 км ташкил 
этганлиги учун у суд мажлисига етиб келаолмаганлиги 
натижасида суд мажлиси бошқа кунга қолдирилган.