Sabzavot, poliz va kartoshka ekinlarini yetishtirishning yangi resurstejamkor, mexanizatsiyalashtirilgan agrotexnologiyalari

Tomchilatib sug’orishda hosildorlikning taqqoslama jadvali

Ekin turi	O‘rtacha hosildorlik, tonna			%
	Egatlab sug’orishda	Tomchilatib sug’orishda
Achchiq qalampir	12 tonna	18 tonna	50
Piyoz	30 tonna	60 tonna	100
Pomidor	25 tonna	50 tonna	100
Bodring	15 tonna	30 tonna	100

Bundan tashqari, tomchilatib sug’orishda mineral o‘g’itlarning samarali tarzda ekinga berilishi natijasida mineral o‘g’itlar harajati kamayadi va har yili bir gektar g’o‘zadan o‘rtacha 450 ming so‘m hamda 1 gektar bog’ sabzavot ekinlaridan 500 ming so‘m tejab qolinishiga erishiladi. Keyingi yillarda tomchilatib sug’orish texnologiyasini keng joriy etishga davlatimiz rahbariyati tomonidan katta e’tibor qaratilib, ko‘plab imtiyozlar berilmoqda. Tomchilatib sug’orish texnologiyasi joriy etilganda harajatlar g’o‘zada 3 yil, sabzavot va boshqa ekinlarda 2-2,5 yil vaqt mobaynida qoplanadi. Bog’dorchilik uchun kiritilgan sarmoya esa eng foydali hisoblanadi va chiqimlarni qoplash muddati 2 yilga ham yetmaydi.
Tomorqa maydonlarda tomchilatib sug’orishni joriy etish katta maydonlarga qaraganda birmuncha kam harajat qilinadi, chunki maydonning kichikligi sababli katta bosim talab etilmaydi, suvni tozalash filtrlari kichigi qo‘yiladi, o‘g’itlashda mahalliy idishlardan foydalansa bo‘ladi hamdabir yillik ekinlarda ishlatiladigan sug’orish lentalarini yig’ishtirib olib, 2-3 yil foydalanish mumkin.

Foydalanilgan adabiyotlar

1. 
   G.Chorshanbiyeva “Qishloq xo‘jalik ekinlarini sug’orish usullari va suv tejamkor sug’orish texnologiyalari” Nashriyot uyi “Tasvir” Toshkent – 2021 yil.