С. У. Меҳмонов, Д. Й. Убайдуллаев бюджет ташкилотларида бухгалтерия ҳисоби

Юқоридаги маблағлар ҳисобидан бюджет ташкилотининг 2011 йил мобайнидаги амалга оширган хақиқий харажатлари 95.0 млн. сўмни ташкил қилди. Яъни:
Дебет 271-субсчёт 95,0 млн.сўм
Кредит 159 ва бошқа тегишли субсчётлар 95,0 млн.сўм.
Йил давомида қилинган барча хақиқий харажатларнинг суммаси йил охирида 271 “Бошқа даромадлар бўйича хақиқий харажатлар” субсчёт кредитидан 270 “Бошқа даромадлар бўйича жорий йилга молиявий натижалар” субсчёт дебетига ёзилиб ҳисобдан ўчирилади.
Дебет 270-субсчёт 95,0 млн.сўм; Кредит 271-субсчёт 95,0 млн.сўм.
Йил охирида 272 “Бошқа бюджетдан ташқари даромадлар” ва 273 “Инвентаризация натижасида орттиқча чиққан мол-мулклар” субсчётлари кредитида акс эттирилган барча даромадлар ва тушумлар 270 “Бошқа даромадлар бўйича жорий йилга молиявий натижалар” субсчётнинг кредитига ҳисобдан чиқариш йўли билан ёпилади ва 272 “Бошқа бюджетдан ташқари даромадлар” субсчёт бўйича қолдиқ қолмайди.
Дебет 272-субсчёт 100.0 млн.сўм; Дебет 273-субсчёт 5.0 млн.сўм; Кредит 270-субсчёт 105.0 млн.сўм.
Мазкур операциялардан кейин 270-субсчётнинг “Бош-журнал китоби”даги кўриниши қуйидагича бўлади:
Д-т 270-субсчёт
К-т

95.0 млн.сўм	105.0 млн.сўм
	10.0 млн.сўм

Яъни, жорий йилга тўлов-контракт маблағлари бўйича таълим муассасасининг молиявий натижаси 10.0 млн сўмга (ижобий) якунланди.
Бу эса, юқорида айтиб ўтганимиздек, мазкур ташкилотнинг йил якунлари бўйича балансида қуйидаги икки ҳолатдан бири бўлиши мумкинлигини билдиради, жумладан:
а) дебиторлик қарзлар вужудга келган бўлиши мумкин;
б) ташкилотнинг номолиявий ва молиявий активларининг қолдиқ қиймати ошган бўлиши мумкин.
270-субсчёт билан боғлиқ жорий йил охиридаги операцияларнинг схематик кўринишини қуйидагича беришимиз мумкин.