S. M. Masharipov X. S. Tadjiyeva tibbiy kimyodan amaliy mashg’ulotlar uchun darslik

Birinchi xulosa: Moddalarning parchalanish issiqligi ularning hosil bo‘lish issiqligiga absolyut qiymatlari jixatidan teng bo‘lib, ishoralari bilan bir-biriga qarama-qarshidir.
Q_parchalanish = -Q _{hosil bo‘lish}
Ikkinchi xulosa: Kimyoviy reaksiyalarning issiqlik effekti reaksiyadan keyingi moddalarning hosil bo‘lish issiqliklarining yigindisidan, dastlabki moddalarning hosil bo‘lish issiqliqlarining yig‘indisini ayirmasiga teng (stexiometrik koeffitsientlarini hisobga olgan holda):

∑Q₁ – reaksiya natijasida hosil bo‘lgan moddalarning hosil bo‘lish issiqliklarining yig‘indisi;
∑Q₂– reaksiya uchun olingan dastlabki moddalarning hosil bo‘lish issiqliklarini yig‘indisi.
Uchinchi xulosa: Kimyoviy reaksiyalarning issiqlik effekti, reaksiya uchun olingan dastlabki moddalarning yonish issiqliklarining yig‘indisidan, hosil bolgan moddalarning yonish issiqliklarining yig`indisini ayirmasiga teng, (stixeometrik koeffitsiendlarini hisobga olgan holda):
∑Q₁ - reaksiya uchun olingan dastlabki moddalarning yonish issiqliklarining yig‘indisi;
∑Q₂ - reaksiya natijasida hosil bo‘lgan moddalarning yonish issiqliklarining yig‘indisi.
Moddalarning hosil bo’lish issiqligi deb, standart sharoitda oddiy moddalardan 1 mol murakkab modda hosil bo’lishida ajraladigan yoki yutiladigan issiqlik miqdoriga aytiladi.
Moddalarning parchalanish issiqligi deb, standart sharoitda 1 mol murakkab modda oddiy moddalargacha parchalanishida ajraladigan yoki yutiladigan issiqlik miqdoriga aytiladi.
Moddalarning erish issiqligi deb, standart sharoitda bir mol moddaning solvatlanish uchun yetarli miqdordagi erituvchida erishi natijasida ajralib chiqqan yoki yutilgan issiqlik mikdoriga aytiladi.
Neytrallanish issiqligi deb, H⁺ (H₃O⁺) va OH ionlaridan standart sharoitda 1 mol suvning hosil bo‘lishi natijasida ajralib chiqadigan issiqlik mikdoriga aytiladi.