S. I. Mirhayitova pedagogik texnologiya o`zbekiston respu

Tushuncha mazmuni

“Keys-stadi”	ingliz tilida “case” – metod, “study” – muammoli vaziyat; vaziyatli tahlil yoki muammoli vaziyatlarni tahlil qilish- degan ma`noni anglatadi.
“Keys-stadi” texnologiyasi	o’quvchi (talaba)larda aniq, real yoki sun’iy yaratilgan muammoli vaziyatni tahlil qilish orqali eng maqbul variantlarini topish ko’nikmalarini shakllantirishga xizmat qiladi.
Loyiha	aniq reja, maqsad asosida uning natijalanishini kafolatlagan holda pedagogik faoliyat mazmunini ishlab chiqishga qaratilgan harakat mahsuli.
Loyihalash	boshlang’ich ma’lumotlarga asoslanib, kutiladigan natijani taxmin qilish, bashoratlash, rejalashtirish orqali faoliyat yoki jarayon mazmunini ishlab chiqishga qaratilgan amaliy harakat
Ta’lim jarayonini loyihalash	alohida olingan ta’lim jarayonini samarali tashkil etish uchun barcha omillarni inobatga olgan holda uning loyihasi (sxemasi)ni ishlab chiqish.
O’qitish va o’qish strategiyasi	belgilangan o’quv materiallarini talabalar ongiga yetkazish yo’llarini, ya’ni tanlangan ta’lim metodi, shakllarining amalda qo’llanilishini ko’zda tutadi.
Darsning turini tanlash	o’qituvchining mahoratiga ko’ra darsning didaktik maqsadi, o’quv materialining mazmuni, dars uchun

	ajratilgan vaqt, shuningdek, zarur shart-sharoitning tanlanilishini ifodalaydi.
Darsning texnologik xaritasi	dars ishlanmasining asosiy o’zagini tashkil etadi.
Dars ishlanmasi	bu ta’limiy mazmunga ega loyiha, shuningdek, o’qituvchi tomonidan tuzilishi majburiy bo’lgan hujjat hisoblanadi
Texnologik pasport (pedagogikada)	ta’lim yoki ma’naviy-ma’rifiy tadbirning asosiy ko’rsatkichlari va ularning texnologik tavsifini yorituvchi hujjat.
Model	real, haqiqatda mavjud bo’lgan ob’ektning soddalashtirilgan, kichraytirilgan (kattalashtirilgan) yoki unga o’xshagan nusxasi.
Modellashtirish	hodisa, jarayon yoki tizimning umumiy mohiyatini to’la yorituvchi modelni yaratish
O’quv loyihaviy faoliyat	o’quv maqsadiga erishish yoki muammo, muammoli vaziyatni hal qilish yo’lida talabalar tomonidan izchil amalga oshiriladigan harakatlari majmuasi sanaladi.
O’quv loyihasi	1) talablarning muammolarni izlash, tadqiqot qilish va yechish, natija (echim)ni mahsulot ko’rinishida rasmiylashtirishga qaratilgan mustaqil o’quv faoliyatini tashkil etish usuli; 2) nazariy bilimlar asosida amaliy topshiriqlarni yechishga qaratilgan o’quv harakati vositasi; 3) rivojlantirish, tarbiyalash, ta’lim berish, bilimlarni boyitish, mustahkamlash va malakalarni shakllantirishga yo’naltirilgan didaktik vosita hisoblanadi
Shaxsga yo’naltirilgan ta’lim	bu tabiiy tizim hisoblanib, o’quvchining noyob shaxsiy rivojlanishi, uning o’ziga hos qobiliyatlarini va psixologik yo’nalishlarini hisobga olgan holda shakllantiriladi.