S haxlo murodova

Aim.Uz

S HAXLO MURODOVA

“Oddiylikdan murakkablik sari” deb nomlanuvchi ushbu uslubiy tavsiyada o’qituvchining ish faoliyatidan namunalar, boshlang`ich ta`lim o`qituvchilari hamda boshlang`ich ta`limning 1-sinf o`quvchilari uchun oddiy mavzulardan muammoli mavzular tomon ketma-ketlikda yechim topish, testlardan namunalar, qiziqarli va mantiqiy matematika masalalari yechish bo`yicha tavsiyalar berilgan.

Tuzuvchi:
Shaxlo Murodova
Navoiy shahar 11-DIUM boshlang`ich ta`lim o`qituvchisi


Taqrizchi:
Gulnora Djumaniyazova
Navoiy shahar 11-DIUM direktori


Hilola Rahmatullayeva
Navoiy shahar 11-DIUM O`IBDO`

Ushbu metodik qo’llanma maktab uslubiy kengashining 2015-yil 27-martdagi
5-sonli qarori bilan tasdiqlanib, foydalanish uchun tavsiya etilgan.
Biz fidoyi bolalarimizga ilm cho’qqilarini
zapt etishi uchun qanot bo’lmog’imiz shart
I.Karimov
O’qishdan to’xtagan odam o’ylashdan ham
to’xtaydi.
Genri
Ilmdan o’zga najot yo’q va bo’lmagan
Imom Al – Buxoriy


Oddiylikdan murakkablik sari
Inson umri mobaynida ko’plab maktablarni o’taydi. Bular ichida eng muhimi hayot maktabidir. Hayot maktabiga, avvalambor, yo’llanmasini, bilimni maktab beradi.
Har bir insonning kelajakda kim bo’lishi ko’p jihatdan ana shu maktab ta’lim-tarbiyasiga ham bog’liqdir. Bunda maktabdagi ilk ustozlarning o’rni alohida.
Boshlang’ich sinf, ayniqsa, birinchi sinf o’quvchilari bilan ishlashning o’ziga xos tomonlari bor. Chunki birinchi sinflarga qabul qilingan bolalar maktabga tayyorgarlik darajalari, o’qishga munosabatlari bilan bir-biridan farq qiladilar. Bu esa ta’lim-tarbiya ishlarini uyushtirishda bir qator qiyinchiliklarni vujudga keltiradi. Boshlang’ich sinflar dasturida har bir o’quvchiga yil davomida beriladigan bilim, malaka va ko’nikmalarga nisbatan talablar aniq belgilab qo’yilgan. Bu esa o’quvchilarga puxta bilim berish va ularni ongli qilib tarbiyalashda o’qituvchilar ma’suliyatini oshiradi.
Shunday ekan, ushbu yaratilgan uslubiy tavsiya boshlang`ich ta`limninng 1-sinflarida o‘quvchilarning mantiqiy fikrlash qobiliyatlarini shakllantirish va rivojlantirishga, o‘z fikrlarini mustaqil bayon qila olish, egallagan bilimlarini dars jarayonlarida qo‘llash hamda matematik tayyorgarlikni mustahkam ta’minlashga xizmat qiladi.