S. B. Bairova, G. M. Abduraupova bemorlar bilan ishlash asoslari

YAXSHI MULOQOT TAVSIFI 
 
Muloqot  ikki  tomonlama  jarayondir.  Axborotni  qabul 
qiluvchining  yoki  auditoriyaning  qanday  qabul  qilishi  axborot 
jo‘natuvchi  shaxsga  bog‘liq.  Muloqot  jarayonining  ta’sirchan-
ligini sezilarli ravishda oshiruvchi 4 tarkibiy element mavjud: 
•  axborot; 
•  auditoriya; 
•  kanal; 
•  axborot jo‘natuvchi. 
 
Muloqot  samarali  bo‘lishi  uchun  bu  tarkibiy  elementlarga 
quyidagi talablar qo‘yiladi: 
Axborot  –  aholiga  biror  mavzu  bo‘yicha  berilayotgan 
yangilik,  ma’lumotdir.  Axborot  ravshan,  qisqa  va  aniq  bo‘lishi, 
auditoriya ehtiyojlariga va vaziyatga mos kelishi, o‘rinli bo‘lishi, 
auditoriyani harakatga undashi va unga ta’sir eta olishi kerak. 
Jo‘natuvchi  –  tibbiy-ijtimoiy,  yoki  tibbiy  xodim  bo‘lishi 
mumkin.  Jo‘natuvchi  predmetni  yaxshi  bilishi,  unga  qiziqishi 
hamda auditoriyani bilishi va u bilan aloqa o‘rnatishi, auditoriya 
darajasida gapirishi va mos keluvchi kanalni tanlashi kerak. 

---

64 
Kanal  –  axborotni  uzatish  yo‘li.  Kanal  mos  keluvchi, 
tushunarli, qo‘llansa bo‘ladigan va jalb qiladigan bo‘lishi kerak. 
Ma’lumot og‘zaki, taqdimot ko‘rinishida, kinoroliklar va boshqa 
yo‘llar orqali uzatilishi mumkin.