С. А. Эгамбердиева молекуляр

§ 4. Репликация 
Репликация (лотинча replicatio – янгиланиш) – ДНК ота-она 
молекуласи асосида ДНКнинг икки қиз молекуласи ҳосил бўлиши 
жараёни. ДНК репликациясини 15-20 турли хил оқсил-
ферментлардан ташкил топган 
реплисома
(ингл.) деб номланадиган 
мураккаб комплекс амалга оширади. Махсус ферментлар ёрдамида 
она ДНКнинг қўшалоқ спирали иккита ипга ажралади, ҳар бир 
ажралган ипда ДНКнинг айнан ўхшаш иккита молекуласини ҳосил 
қилган иккинчи иплар барпо бўлади ва кейин улар алоҳида спирал 
бўлиб ўралади. Она ҳужайранинг кейинги бўлиниши мобайнида 
ҳосил бўлган ҳар бир янги ҳужайра бир нусҳадан дастлабки она 
ҳужайранинг ДНК молекуласига айнан ўхшаш бўлган ДНК 
молекуласини қабул қилади. Мазкур жараён генетик ахборотнинг 
авлоддан авлодга аниқ ўтказилишини таъминлайди. 
 Ўрганиш тарихи 
Мезелсон ва Стал тажрибаси 
ДНКнинг ҳар бир молекуласи битта дастлабки ота-она 
молекуласидан синтезланган битта янги занжирдан ташкил топган. 
Репликациянинг бундай механизми полуконсерватив деб номланади. 
Ҳозирги вақтда мазкур механизм Мэтью Мезелсон ва Франклин Стал 
(1958 й.) тажрибалари туфайли исботланган ҳисобланади (расм 4.1) 
Илгари иккита бошқа модель мавжуд бўлган: “консерватив” модель - 
репликация натижасида фақат она занжирлардан иборат бўлган битта 
ДНК молекуласи ва фақат янги ҳосил бўлган (қиз) занжирлардан 
битта ДНК молекуласи ҳосил бўлади; “дисперсион” модель - 
репликация натижасида ҳосил бўлган барча ДНК молекулалари баъзи 
бир соҳалари янги синтезланган бўлиб, бошқа соҳалари ДНК она 
молекуласидан олинган занжирлардан иборат бўлади. 

---

23 
Расм 4.1. Дуплексли ДНК репликациясининг фараз қилинган 
модели. Узлуксиз чизиқлар билан ДНКнинг дастлабки (“оғир”,