С а д р и д д и н а й н и й э с к и м а к т а б

Сангин кўча бошида анча вақт кутгандан кейин:
— Тез чиқ, Одина! Кеч қолсак манзилга етиша олмаймиз,—
деб чақирди. Лекин кампир бор кучи билан Одинага ёпишиб олган
ва қўйиб юбормас эди. Оқибат, Одина зўр билан ўзини унинг
қучоғидан қутқариб олиб, фотиҳага қўл кўтарди. Ойшабиби ҳам
титроқ қўлларини кўтариб, Одина учун умр-давлат, бахт-саодат,
хайру баракат, обрў ва иззат, оқ йўл, узун йўл сафари бехатар...
яна қанча нарсалар тилаб, дуо қилмоқда эди.
Одина бу узун дуонинг битмас-туганмаслигини кўриб, икки
қўлини бетига тортди ва:
— Хайр-хўш, кўргунча омон бўлинглар,— деб эшикдан чиқди.
Эшикдан ёлғиз Одинагина чиқмади, балки у билан бирга
кампирнинг гўё жони ҳам бирга чиққан эди. Ойшабиби дафъатан
ўлган одамдек ерга йиқилди.
Гулбиби очилишга тайёр бўлиб турган бир ғунча эдики, меҳ-
рибон севгилиси билан сафар қилув умиди ҳавасида очилди,
фақат бу сафарда юз берган ноумидлик ели билан очилиш чоғида
50
www.ziyouz.com kutubxonasi

---

сўлиб, ерга тўкилди. Гулбиби бир гунча эдики, у бир нафасда ҳам
баҳорни кўрди, ҳам хазонни кўрди.
Одина уйда қолдирганларидан ажралиш ҳолатининг таъсири
билан сўзлашга кучи етмас, гўёки Сангинга шуурсиз эргашиб
борар эди. Одинанинг бу аҳволидан таъсирланган Сангин ҳам жим
қолган эди. Бу икки йўлдош бир-бирови билан дўстлашган икки
девонадек, сўзсиз жим юрмоқда эдилар.
Бу ҳолда бирмунча йўл юргандан кейин бошлаб Сангин
нақша (ашула) айтиш билан бу жимлик суҳбатини бузди. Сангин-
нинг бўғзидан чиқадиган ҳар бир фарёд, ҳар бир нола гўё Одина-
нинг аҳволини таржима қилар эди. Одина ашула таъсири билан
юзига совуқ сув сепилган ҳушсизлардек сескана берди; қисилиб,