С а д р и д д и н а й н и й э с к и м а к т а б

юбориб қаматди. Зиндонда бўйнимга жел, оёгимга кишан урган
бўлсалар ҳам, оёгимни кундага солмадилар.
85
www.ziyouz.com kutubxonasi

---

Зиндонда мендан бошқа бандилар ҳам жуда кўп эдилар: улар-
нинг ҳар бири мендан қамалшшш сабабини сўраб, ўз қамалиш
воқеасини ҳикоя қилар эди.
Бир кун ясовулбоши, одамларидан биров келиб қариндош-
уруғларимдан кимларим борлигини сўрадн.
Мен бир камнир онамдан бошқа кишим йўқлигини айтдим.
— Агар менга яхшигина ҳизматона ваъда қилсанг, онангга
хабар юбораман, келиб сени кўради,— деди ясовулбоши.
— Кераги йўқ, яхшиси унга айтмаслик лозим, чунки, агарда
бечора онам мени бу ҳолда кўрса, ажаб эмаски, қайғудан ҳалок
бўлса,— деб рад қилдим.
Шундай ҳам бўлса, хизматона ундириш умиди билан онамга
хабар юборганлар, бу воқеадан тўрт кун ўтгач, камппр зиндонга
келди. Мен учун бир товуқ, бир коса сариг мой, бир оз нон ва бир
кўйлак-иштон олиб келган экан. Зиндон эшигида яхна товуқ гўшт
билан сариғ мойни хизматона номи билан қўлидан олиб, менинг
ҳиссамга нон ва кўйлак-иштонни қолдирганлар.
Онам зиндонга, менинг олдимга ажаб бнр ҳолатда кирди.
Сочлари юлинган, юзи тирналган, кўзлари кўп йиғлагандан ши-
шиб, қизариб кетган; овози ҳайқиришдан хириллаб қолган, ўзи
шунча дармонсизланганки, 
менга яқинлашгач, 
ҳушсизланиб
йиқилди. Ҳушига келсин, деб бир қанча уринганнмдан сўнг кўзи-
ни очиб, девоналардек менга тез-тез қаради-да, тағин кўзини
юмди. Ҳозир ўлар деб ўйлаган эдим, лекин бошқа бандилар ёрдам-
лашиб, бир оз совуқ сув келтириб юзи, кўзига сеидилар, шундан
кейин ҳушёр тортди ва рўнарамда ўтириб, ҳол-аҳволимни ва