Ruwxiyliqta milliylik ha`m uliwmainsaniyliq

III.JUWMAQLAW

Biziń ja`miyetimiz etnik toparlar ha`m milletler ortasinda usi aymaqta jasaytuģin ha`r qanday

adamģa ózin erkin ha`m teń huqiqli dep esaplaw imkaniyatin beretuģin óz-ara mùna`sibetlerdi ornatiwģa urinbaqta. Biz qanshaliq óz ma`deniyatimiz, ruwxiyatimizdi hùrmet etpeyik, soniń menen birge basqa milletler, ja`ha`n xaliqlari ruwxiyatina da hùrmet penen qarawimiz kerek. Biziń maqsetimiz «Jurtimizda xizmet etiwshi ba`rshe insanlar ushin milleti, tili ha`m dininen qattiy nazar, mùna`sib turmis sharayatin jaratip beriw, rawajlanģan demokratiyaliq ma`mleketlerdegi kepillik beriletuģin turmis da`rejesi ha`m erkinliklerin ta`miynlew»á-degen edi Prezident I.A.Karimov. Ma`mleketimizde jasawshi ba`rshe millet ha`m elat wa`killeriniń óz ana tillerinde oqiwi, ta`lim aliwi ushin keń imkaniyatlar jaratilģan. Olar kerekli muģdarda oqiw qurallari ha`m sabaqliqlar menen ta`miynlengen. Ma`mleketimizde ta`lim-ta`rbiya tarawindaģi a`melge asirilip atirģan reformalar óziniń aldina a`ne usinday iygilikli ma`selelerdi maqset etip qoyadi. Respublikamiz xalqiniń kóplegen tillerinde telekórsetiwler ha`m radio esittiriwleri alip barilmaqta. Solay etip, ka`mil insan shaxsin qa`liplestiriw siyaqli aktual` waziypalardiń sheshiliwine ha`rta`repleme mùmkinshilikler jaratilip berilmekte. Buniń barliģi Ózbekstanda bazar qatnasiqlarina ótiw sharayatinda milletler ara ma`deniy-ruwxiy qatnasiqlardiń rawajlanip baratirģaninan derek beredi, bul óz gezeginde ja`miyetlik ha`m siyasiy jaģdaydiń bekkemleniwine xizmet etetuģinina gùman joq.