Russ nashriyotiga so‘z boshi

Rok-yulduzlarni aylanib o‘ting  

  

Ko‘pgina  kompaniyalar  o‘z  bo‘sh  ish  o‘rinlariga  “rok-yulduzlari”  yoki 

“ninza”larni qidirishadi. Bu ahmoqona ish.   

Siz  rok-yulduzlari  bilan  to‘lgan  xonani  qanday  uddalashni  o‘ylash  o‘rniga 

xonaning  o‘zi  haqida  o‘ylang.  Biz  hammamiz  ishni  yomon,  o‘rtacha  yoki  ajoyib 

tarzda  qila  olamiz.  Sharoit  esa  ishning  natijasiga  ko‘pchilik  o‘ylagnidan  ko‘ra 

ko‘proq ta’sir o‘tkazadi.  

Bu  bilan,  “biz  hammamiz  teng  imkoniyatlar  bilan  yaratilganmiz  va 

rokyulduzlariga  mos  sharoit  yordamida  siz  har  kimda  ham  uning  yulduzlik 

imkoniyatini  uyg‘otishingiz  mumkin”  demoqchi  emasmiz.  Ko‘pincha,  xodimlar 

o‘zining  salohiyatini,  uyushmalarning  “qiya”    siyosati,  bo‘sh  boshqaruv,  bo‘g‘ib 

yuboradigan  rasmiyatchiliklar  oqibatida  yuzaga  chiqara  olmaydilar.  Siz  o‘z 

kompaniyangizni bu keraksiz narsalardan tozalasangizgina, siz odamlar haqiqatdan 

ham  munosib  vazifalarni  bajarishni  juda  ham  xohlashlarini  ko‘rasiz.  Shunchaki 

ularga imkoniyat berish kerak.   

Bu bilan  erkin tarzda  kiyinib  kelish  yoki “ishga o‘zingining itingni  ham  olib 

kel”  tarzidagi  norasmiy  juma  kunini  tashkillashtirish  kerak  demoqchi  emasmiz. 

(Agar bular shunday ajoyib g‘oyalar bo‘lsa, nima uchun uni har kuni ham hayotga 

tatbiq  etmaslik  kerak.)  Rok-yulduzlarini  ishonch,  mustaqillik  va  javobgarlik 

atmosferasi o‘rab turadi. Bu sifatlar esa, xuddi odamlar to‘liq ishlash uchun barcha 

asboblarni  olish,  yolg‘iz  bo‘lish  imkoniyati,  qulay  ish  joyi  va  shu  kabilarning 

ta’sirida paydo bo‘ladi.   

O‘rab  turgan  sharoitni  ajoyib  qilib  yaratish,  ishni  bajarayotgan  odamlarga 

hurmat belgisidir. Bu ular o‘z ishini qanchalik yaxshi qilayotgani sezilayotganidan 

nishonadir.