Rta maxsus ta’lim vazirligi guliston davlat universiteti

11. Difenilkarbazid simob tuzlari bilan binafsha yoki ko'k rangli cho'kma hosil qiladi.
Reaksiyani bajarishda uchun nitrat kislotali muhitga keltirilgan tekshiriladigan simob (II) tuzi eritmasiga bir necha tomchi difenilkarbazid eritmasi qo'shiladi. Topilish minimumi 1 mkg. xloridlarning konsentratsiyasi katta bo'lsa, kam dissotsilanadigan simob (II) xlorid hosil bo'lishi reaksiyaning sezuvchanligini kamaytirib yuboradi. Xromat, molibdat, mis (II), temir (III), kobalt (II) singari ionlar reaksiyaga xalaqit beradi.
Eslatma. Simob (II) tuzlari va Hg metali bug 'lari zaharli. Ular bilan ehtiyot bo 'lib, xavfsizlik qoidalariga rioya qilgan holda ishlash zarur. Ish tugagach, qo 'llar sovunlab yuvilishi kerak.

7.6. Beshinchi analitik guruh kationlari aralashmasining
analizi
Beshinchi analitik guruh kationlarining sistematik analizi quyidagi tartibda bajariladi:
1. Hg²⁺ va Cu²⁺ ionlarini ajratish. Probirkaga tekshiriladigan eritmadan 10 tomchi tomizib, unga yaqqol ifodalangan kislotali muhitgacha 2 N H_?SO₄ eritmasi qo'shing. So'ngra aralashmaga 2-3 tomchi Na,S,O, eritmasi qo'shib qizdiring. Natijada simob va mis ionlari HgS + CuS + S shaklida cho'kmaga (1-cho'kma) tushib. Co²⁺, Ni²⁺, [Cd(S₂O₃)₂]^2-, Zn²⁺, S^2- ionlar eritmada (1-eritma) qoladi. Sulfidlar cho'kmasi sentrifugalab ajratilgach, yuvilib tekshiriladi.
2. HgS ni ajratish. 1 -cho'kmani chinni kosachaga joylab, aralashmani qizdirib turib, 3 N HNO₃ eritmasi bilan ishlansa, CuS erib (2-eritma), eritmaga o'tadi, HgS esa cho'kmada (2-cho'kma) qoladi.
3. Hg²⁺ ni topish. 2-cho'kmani chinni kosachaga joylab, uni 2 N HC1 va 3 % li H₂O₂ eritmalarining aralashmasi (1:3) bilan qizdirib turib ishlanadi. So'ngra cho'kma erishi natijasida, eritmaga o'tgan simob (II) ioni topiladi (4.4).