Ўрта махсус таълим вазирлиги

Техник кўрсаткичлари

Унумдорлиги	75 т/сут мой
Тарелкаларнинг умумий юзаси	63 м^2
Камералар сони	12
Аппаратдаги харорат	60-65^0С
Аппаратнинг материали	Ст.3 зангламайдиган, Х18Н10Т,сайқалланган
Габаритлари	2930*7900 мм
Массаси	8460 кг

Даврий нейтрализатор
Даврий нейтрализаторда гидратация ва нейтрализация жараёнини олиб бориш мумкин. Республикамиздаги заводларда даврий нейтрализаторнинг 10 ва 20 тоннали хажмдагилари қўлланади.
Нейтрализатор мойдаги эркин ёғ кислоталарни нейтраллаш учун ищлатилади. Аппарат вертикал цилиндрсимон шаклли 5-корпусдан иборат бўлиб, конуссимон 3-тагликка эга. Аппаратнинг асосий органи 14-панжарали аралаштиргич бўлиб, у 12-валга муштумсимон муфта ёрдамида уланган. Аралаштиргич 8-электродвигател ва 9-редуктор ёрдамида 25 – 120 айл/мин тезликда айланиб туриш имкониятига эга. Намокоб эритмаси ва аниқ концентрацияли ишқор эритмаси аппаратга 10-воронка-душ ва вал билан бирга айланадиган 11-пуркагичли қурилма орқали берилади. Нейтрализация жараёнини назорат қилиш ва эффектив равишда олиб бориш учун аппарат 1- термометр, 2-ҳимоя клапани, мойни ҳайдаш учун 4-шарнирли труба, маҳсулотни иситиш учун 3-буғ ғилофи, 6-чиғириқ (лебёдка), 7-ричаг ва мисдан ясалган 15-рейка билан таъминланган.
Саноатда қўлланиладиган нейтрализаторларнинг сиғими 8,4; 15,7 ва 33,1 м³ ташкил қилиб, юкланаётган маҳсулотнинг миқдори – 5, 10 ва 20 т бўлади. Кўрсатиб ўтилган аппаратларнинг қиздириш юзаси 8,0; 11,8 ва 23,0 м², иш унумдорлиги эса мойнинг кислота сони ва саломаснинг намлигига қараб 10 т дан 80 т/кун гача бўлиши мумкин.

Даврий нейтрализаторнинг техник характеристикаси.

№	Кўрсаткичлар	Нейтрализаторнинг махсулдорлиги, т
		10	20	5
1.	Тўлиқ хажми, м^3	15.7	33.1	8.4
2.	Диаметри, м	2.3	3.2	2.0
3.	Баландлиги,м	4.65	5.35	2.35
4.	Иситиш юзасининг типи	Рубашка (куйнакли)	Рубашка (куйнакли)	Рубашка (куйнакли)
5.	Иситиш узасининг ўлчами, м^2	11.8	23.0	8.0
6.	Электродвигателнинг мощности, квт	2.8	7.0	1.7
7.	Шарнир трубасининг диаметри, мм	100
8.	Шарнир трубасининг узунлиги, мм	3200

Даврий нейтрализаторнинг қисқача ишлаши:
Бунинг учун нейтрализаторнинг ичига 2/3 қисмига ёғ тўлдирилиб, аста аралаштириб турганда ишқорнинг ўлганча ишга эритмасини қуябошлайди. Бу вақтда пахта мойининг ичидаги эркин ёғ кислоталари госсипол билан ўювчи натрий ишқори реакцияга киришади:
RCOOH + NaOH RCOONa + H₂O



Натижада эркин ёғ кислоталарининг Na –ли тузи ва госситолят натрий хосил бўлади. Кейин реакцион массанинг хароратини 65-70^о гача кўтарилади. Мақсад хосил бўлган соапсток заррачаларини катталаштириш ва тиндиришгичда соапстокдан нейтралланган ёғни яхши ажралишини таъмин этишдан иборат. Соапсток тўла тиндирилгандан кейин, соапстокни пастки штуцер орқали тушириб юборилади, нейтралланган пахта мойи эса шарнир трубкаси ва штуцер орқали кейинги жараёнларга яъни ювиш ва қуритиш жараёнларига юборилади.
Таянч сўз ва иборалар.
Рафинация, тиндириш, центрифугалаш, гидратация, адсорбцион рафинация, соапсток, реактор-турбулизатор, сопло, тиндиргич-ажраткич, сувли фаза, марказий тақсимловчи труба, тиндириш зонаси, коллектор.
Такрорлаш учун саволлар.
1. Ёғларни рафинация жараёни деб нимага айтилади?
2.Рафинациянинг кимёвий усуллари нималардан иборат?
3.Тез оқимли реактор-турбулизаторнинг схемаси ва тузилишини тушунтиринг.Унинг афзаллиги нималардан иборат?
4.Узлуксиз ишлайдиган тиндиргич-ажраткичнинг вазифаси, тузулиши ва ишлаши қандай бўлади?
5. Нейтрализаторнинг тузилиши ва ишлашини тушунтириб беринг.


13-Маъруза
Мойларни қуритиши ва оқлаш ускуналари
Режа:Рафинацияланган мойларни куритиш кераклиги. Куритиш ва оклаш ускуналари. Даврий равишда ишлайдиган куритиш-окартириш ускунаси. Узлуксиз равишда ишлайдиган вакуум-куритиш ускунаси.
Ёғларни ва ўсимлик мойларини ишқор ёрдамида нейтрализация қилингандан кейин бу ёғ ва мойларни албатта ювиш керак, чунки уларниг таркибида соапсток қолдиқлари бўлади. Ёғларнинг ювиш жараёни иссиқ сув билан 75-80 ^оС да олиб борилади. Ювилган мой ва ёғларнинг таркибида 0,5 дан 0,8% гача сув бўлиши мумкин. Шунинг учун ювилган ёғ ва ўсимлик мойларини албатта қуритиш керак бўлади. Ёғ таркибида сувнинг миқдори кам бўлганлиги сабабли, у мой таркибида 100^оС дан юқорида эриган холатда бўлади. Шунинг учун ювилган ёғларни вакуум остида ва харорати 95^оС дан юқори бўлган шротда олиб борилали. Қуритилган ёғнинг таркибида сувнинг миқдори 0,05%- дан ошиши мумкин эмас. Рафинация қилинган ёғларнинг гидрогенизация қилиш учун ва маргарин, қандолат ёғларини олиш учун фойдаланилади. Бу ёғларни рангига жуда катта эътибор берилади, яъни улар рангсиз бўлиши керак. Шунинг учун бундай ёғлар ва мойлар адсорбент ёрдамида рафинация қилинади. Адсорбцияли рафинациядан мақсад мойларнинг таркибидаги ранг берувчи моддалардан тозалаш. Ёғ-мой саноатида бундай усулни оқлаш усули дейилади. Ёғларни оқлаш усули вакуум остида олиб борилади, чунки оқлаш жараёнида ёғлар хаводаги кислород ёрдамида оксидланиши мумкин.
Ёғларни оқлаш ва қуритиш учун қуйидаги ускуналар қўлланилади.

1. 
   Сурункасига ишлайдиган вакуум-қуритиш.
   
2. 
   Ёғларни адсорбентли суспензиясини тайёрлаш учун аралаштиргич.
   
3. 
   Горизантал ва вертикал типдаги вакуум оқартиргич.