Ўрта махсус, касб-ҳунар таълими марказининг 2016 йил “ ” даги сонли буйруғига 2-илова

2. БИТИРУВ МАЛАКАВИЙ ИШ МАВЗУСИ,
РАҲБАРНИНГ ФУНКЦИОНАЛ ВАЗИФАЛАРИ ВА ТИНГЛОВЧИНИНГ МАСЪУЛИЯТИ

Битирув малакавий ишни ҳар бир тингловчи ўзининг таълим муассасаси мисолида олади. Битирув малакавий ишининг мавзуси Касб-ҳунар таълим муассасасини модернизациялаш асосида таълим жараёнини ташкил этиш (Андижон вилоят Марҳамат қурилиш ва индустрия касб-ҳунар коллежи мисолида) номи билан малака ошириш курсининг бошланишидан аввал эълон қилинади. У йиллик малака ошириш режасини тасдиқлаш жараёнида аниқланиб олинади.

Тингловчининг битирув малакавий ишига раҳбарлар Институт кафедралари профессор-ўқитувчилари таркибидан тайинланади. Уни расмийлаштириш ва тингловчига раҳбарни бириктириш мазкур кафедраларнинг билдиришномаси асосида директорнинг буйруғи билан амалга оширилади.
Битирув малакавий иш раҳбари:
 тингловчига битирув малакавий ишни тайёрлаш юзасидан йўл-йўриқлар кўрсатади, режа тузишга кўмаклашади, унинг бажарилиши бўйича календарь жадвалини (малака ошириш фаолият режасини жадвал тариқасида тузиб олишни) режалаштиришга ёрдам беради;
 фойдаланадиган норматив-ҳуқуқий ҳужжатлар, раҳбарий, илмий ва ўқув адабиётлар, маълумот ва архив материалларини ҳамда мавзу бўйича бошқа манбаларни тавсия этади;
 тингловчига консультациялар бериб боради;
 битирув малакавий ишнинг бажарилиш жараёни ва белгиланган расмийлаштириш талабларига мос равишда, мустақил бажарилганлиги ва ижодий ёндашувни амалга ошишини назорат қилиб боради;
 битирув малакавий ишнинг ўз муддатида бажарилмаётганлиги ҳақида кафедра мудирига ёзма билдиришнома беради;
 тингловчига битирув малакавий ишга тегишли материалларни тўплаш, тайёрлаш, ёзиш, слайдлар тайёрлаш ва ҳимоя қилиш бўйича кўрсатмалар бериб боради;
 якунланган битирув малакавий ишга 100 баллик тизимда баҳолашни ёзма хулоса бериш орқали амалга оширади ва жавобгарликни бўйнига олади (1-илова).
Тингловчи битирув малакавий ишини сифатли ва ўз муддатида тайёрлаш учун унга қуйидаги маъсулиятлар юклатилади:
 малака ошириш давомида олган билим, кўникма ва малакаларни пухта ўзлаштириш орқали битирув малакавий ишни тайёрлаш ва презентация қилишда максимал фойдаланиш;
 керакли маълумотларни излаш, тўплаш, қулай усуллар ва воситаларни аниқлаш;
 ахборот-коммуникация воситалари ва манбаларидан самарали фойдаланиш;
 раҳбарий, илмий ва ўқув адабиётлар, норматив-ҳуқуқий ҳужжатларини тўплаш ва уларни таҳлил қилиш;
 иш натижаларини тайёрлаш ва топшириқларни бажаришда тизимли ва ижодий ёндошиш;
 белгиланган мавзунинг қиёсий таҳлили асосида долзарблигини аниқлаш;
 таълим сифатини оширишда ҳозирги ҳолатини таҳлил қилиш ва баҳолаш;
 қўйилган масала юзасидан тегишли ҳулосалар ва таклифларни изоҳлаш, таълим сифатини оширишда ундан фойдаланиш имкониятларини аниқлаш;
 ишлаб чиқилган ечим, лойиҳа ёки ғояни асослаш ва ДАК иштирокида ҳимоя қилиш
Тингловчи раҳбар билан маслаҳатлашган ҳолда битирув малакавий ишга ижодий ёндошган тарзда қўшимчалар киритиш ва уни изоҳлаш ҳуқуқига эга.
Агарда тингловчи битирув малакавий ишни бажариш мобайнида раҳбар тавсияларига риоя қилмаган, календарь график асосида тадқиқотларни бажармаган ҳолда раҳбарнинг билдиришномасига асосан унга маъмурий чоралар кўрилиши ва битирув малакавий иш ҳимоясига қўйилмаслиги мумкин.
Битирув малакавий ишлар институтнинг АРМ базасида сақланади. Битирув малакавий ишининг сифати ва уни мустақил бажаришга раҳбар ва педагог ходимнинг муносабати тўғрисидаги хулосалар бошқармага тавсифнома сифатида еткизилади. Раҳбар ва педагог ходимнинг кейинги малака ошириш муддатида чора-тадбирлар режада белгиланган тадбирларнинг амалга оширилганлиги қиёсланади.