Ўрта махсус, касб-хунар

Қиялантирувчи мослама 
секцияли турбобурлар учун мўлжалланган. 
Қудуқларни секцияли турбобурлар билан бурғилашда турбобурнинг юқори 
ва остки секциялари валлари ва корпусларининг боғланишлари 1,5
0
- 2
0 
бурчак остида амалга оширилади. Секция корпуслари қийшиқ боғловчи 
ёрдамида, валлари эса – боғловчи муфта ёрдамида уланади. 
ОТ (турбинали қиялантирувчи) ва ОТС (секцияли турбинали 
қиялантирувчи) қиялантирувчилар. 
ОТС конструкцияси қудуқ тубини нотекис (асимметрик) емирилиши 
эвазига қудуқни қия йўналтиришга имкон яратади. ОТС шпиндел шаклида 
ясалади, у қийшиқ боғловчи ёрдамида турбобурнинг юқори секцияси билан 
бир ва кўп секцияли бўлган ҳолатларда ишлатишга имкон яратади. ОТС 

---

126 
Телеграм каналимиз: @ng_uz (Neft va Gaz KITI) 
ларнинг афзаллиги шундаки, бурғи устида марказлаштирувчи мослама 
ўрнатилади. Марказлаштирувчи мослама учта қирралари бўйича қаттиқ 
қуймали тиргакларга эга. Унинг диаметри бурғи диаметрига тенг.
Бунинг эвазига қудуқ стволининг кесим юзаси айланага яқин 
кўринишга эга бўлади. Бундан ташқари, марказлаштирувчи мослама 
қўшимча радиал таянч вазифасини бажаради ва қиялантирувчининг остки 
валини кўндаланг силтанишлардан сақлайди. 
ОТСнинг афзалликлари қуйидагилардан иборат:
а) қийшиқ улагич бурғига яқинлаштирилган, бунинг эвазига 
қиялантирувчининг унумдорлиги ошади;
б) ўқ бўйлаб бериладиган оғирликнинг силкинишлари бурғининг 
четлаттиргич кучига таъсири камаяди ва хақиқий қийшайиш радиусига 
яқинлашиш имконини беради. 
Таранг четлаттиргич резина рессорли махсус накладкадан иборат. 
Накладка турбобурнинг ниппелига пайвандланади. Эксцентрик ниппелни 
ушлаб қолиш хавфи бор тоғ жинсларини бурғилаб ўтишда қўлланилади. 
Электрбурлар билан бурғилашда қўлланиладиган
қиялантирувчи мосламалар. 
Электрбурлар ёрдамида қия йўналтирилган қудуқларни бурғилашда 
одатий турбина усулида қўлланиладиган четлатиш мосламаларидан ташқари, 
қийшайтириш механизмли электрбурлардан фойдаланилади. Қийшайтириш 
механизмида шпиндел ва двигател ўқлари тишли уланадиган муфта ёрдамида 
маълум бурчак остида бирикади. Қудуқ тубига симлар туширилиши 
теленазорат тизимидан фойдаланишга имкон яратади ва бурғилаш жараёнида 
қудуқнинг қийшайишини назорат қилиш таъминланади.