Ўрта махсус, касб-хунар

Қия йўналтирилган қудуқларни икки усулда бурғиланади:
.
 
а) роторли – бу ерда кетма-кет стволни қийшайтириб ёнбошга киришдан 
иборат узлуксиз жараён мавжуд; б) қудуқ туби двигателлари ёрдамида, қудуқ 
стволини узлуксиз қийшайтириш жараёни таъминланади. Қия йўналтирилган 
қудуқларни бурғилашда қийшайтирувчи мосламаларни йўналтиришга 
қўшимча вақт талаб этилади ва бурғилаш жараёнини назорати 
кучайтирилади. 
Қия 
йўналтирилган 
қудуқларнинг 
кўринишлари:
Қия 
йўналтириладиган қудуқни кўринишини танлашда биринчи навбатда вақт ва 
сарф харажатни имкони борича камайтириб қудуқни бурғилаб ўтишда 
белгиланган вазифаларни тўлиқ бажариш нуқтаи назардан келиб чиқиш 
керак. Қия йўналтирилган қудуқларни бурғилашда асосан тўрт турдаги 
профиллар кенг ривож топган: Профиль I (63,а-расм ) – энг кўп учрайдиган - 
учта қисмдан иборат: юқори қисм 1-вертикал; иккинчи (ўртадаги) қисм 2, 
эгилувчан қийшиқ чизиғи бўйича бажарилган ва учинчи (остки) қисм 3-
эгилган тўғри чизиқ бўйича бажарилган. Ушбу профиль ўрта чуқурликдаги 
бир қатламли конларни катта четлаш билан бурғилашда тавсия этилади. 
Профиль II (63,б-расм) тўрт қисмдан иборат: Юқори қисм 1-вертикал, 
иккинчи қисм борган сайин эгрилиги ошадиган қийшиқ чизиқ бўйича, 
учинчи қисм 3-эгилувчан чизиқ бўйича ва тўртинчи қисм 4-борган сайин 
эгрилиги камаядиган қийшиқ чизиқ бўйича. Кўпинча ушбу профил сал 
ўзгартирилган шаклда учрайди – 3 қисми йўк, яъни 2 қисмдан кейин бирдан 4 
қисм бошланади. II профиль 2500 метргача бўлган қия йўналтирилган 
қудуқларни бурғилашда қўлланилади. 
Профиль III биринчи ва иккинчи профилдан камроқ учрайди. Иккита 
қисмдан иборат: юқори қисм 1-вертикал. Иккинчи қисм 2 борган сайин 
эгилиш бурчаги ошиб бораётган эгри чизиқ бўйича бажарилган. Ушбу 
профиль бўйича қудуқларни стволи махсулдор қатламга белгиланган бурчак 
остида киришини таъминлайдиган ҳолларда бурғиланади.
 
Профиль IV чуқур қия йўналтирилган қудуқларни бурғилашда қўлланилади. 
Аввалгиларга нисбатдан ушбу профилни фарқи шундаки, вертикал қисм 3 га 
қийшиқ чизиқли 4 қисм қудуқ стволини текислашга уринади, ва 5 тўғри 
вертикал қисмлар қўшилади. Ушбу профилдаги пастки қисмдан бир нечта 
махсулдор қатламлар мавжудлигида фойдаланиш мумкин.