Ўрта гуруҳда жисмоний тарбия машғулоти

Ўрта гуруҳда жисмоний тарбия машғулоти

Машғулотнинг мақсади:

Болаларга юриш ва югуришни ўргатишда давом этиш. Улар билан буюмлар оралаб юриш ва югуришни такрорлаш; Оёқ учида югуришга ўргатиш; Полдан (ердан) икки оёқлаб кескин итарилиш ва сакраётиб қўлни кўтариб юқорида турган буюмга теккизиш; Тўпни икки қўллаб юқорига ирғитишни машқ қилиш; 1,5 дақиқагача югуриш ва секин юриб, нафас машқларига ўтиш.

Машғулот учун зарур анжомлар: Болалар сонига мос (диаметри 6-8 см) ли тўплар, ходача, чизимча, бир нечта лента.

Машғулотга тайёргарлик: Тарбиячи болаларга сафланишни тушунтиради, сўнгра болаларга ўз ишорасига кўра бир-бирларининг кетидан бир қатор бўлиб тизилиш ва бошловчининг кетидан зал бўйлаб юришни тушунтиради. Болаларга юриш ва югуриш чоғида буюмлар орсидан эпчиллик билан ҳаракатланиш, буюмларга тегиб кетмаслик зарурлигини тушунтиради.

Машғулотнинг бориши:

Машғулотнинг 1-қисмида болалар тарбиячи тушунтиргандек бир қатор бўлиб, бошловчининг кетидан зал бўйлаб тизилишиб юрадилар. Оёқ учида юриш, сўнгра қўллар белда холда юриш ва югуриш машқлари бажарилади. Ушбу машқлар бажарилгач, болаларга бир қатор қилиб қўйилган буюмлар орасидан (40 см оралиқда) юриш, югуриш командаси берилади. Болалар оёқ учида юрганларида тарбиячи улар диққатини оёқларнинг тўғри қўйилишига, қадамларнинг қисқа бўлиши, гавдани тик тутиш, тўғри юриш ва елкаларнинг расолигига қаратади. Товонларнинг полга тегмаслиги, қўллар белга қулай қўйилиши зарурлигини эслатиб боради. Юриш ва югуриш машқлари навбатма-навбат бажарилади. Югуриш 40-50 сониядан кўп бўлмаслиги зарур. Ушбу машқлар бажарилгач тарбиячининг ишорасига кўра болалар уч қатор бўлиб саф тортадилар.

Машғулотнинг 2-қисмида тарбиячи болаларга тўп билан бажариладиган умумривожлантирувчи машқларни бажаришни таклиф этади.