Ro‘yxatga olingan shahrisabz tuman “Davlat xizmatlari markazi” tomonidan 2023-yil aprel № raqam bilan

RO‘YXATGA OLINGAN Shahrisabz tuman “Davlat xizmatlari markazi” tomonidan 2023-yil ___ -aprel №__________ raqam bilan

“TASDIQLAYMAN” Qashqadaryo viloyati Shahrisabz tumani Maktabgacha va maktab ta’limi bo‘limi boshlig‘i _____________ A.G’ofurov 2023-yil __-aprel

O‘ZBEKISTON RESPUBLIKASI
MAKTABGACHA VA MAKTAB TA’LIMI VAZIRLIGI

Qashqadaryo viloyati Shahrisabz tumanidagi

65 -umumiy o‘rta ta’lim maktabining
U S T A V I
1-bob. Umumiy qoidalar
1. Mazkur Ustav Qashqadaryo viloyati Shahrisabz tumanidagi 65 -sonli umumiy o‘rta ta’lim maktabining (keyingi o‘rinlarda - umumta’lim maktabi ) faoliyatini tashkil etish va amalga oshirish tartibini belgilaydi.
2. Umumta’lim maktabi o‘z faoliyatida O‘zbekiston Respublikasi Konstitutsiyasi, O‘zbekiston Respublikasining “Ta’lim to‘g‘risida”gi Qonuni va boshqa qonunlarga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlariga, boshqa normativ-huquqiy hujjatlarga, shuningdek, мaktabgacha va maktab ta’limi vazirligining buyruq, topshiriq va ko‘rsatmalariga hamda mazkur Ustavga amal qiladi.
3. Umumta’lim maktabi uzluksiz ta’lim tizimining asosiy bo‘g‘ini bo‘lib, u o‘quvchi yoshlarga I-XI sinflar hajmida davlat ta’lim standartlari va milliy o‘quv dasturi asosida fan asoslaridan umumiy o‘rta ma’lumot beruvchi va VII-XI sinflar hajmida ikkita til va kasblarga o‘rgatadigan hamda variativ (tanlov) sinflar tashkil etiladigan majburiy ta’lim muassasasidir.
4. Umumta’lim maktabi yuridik shaxs hisoblanadi va o‘z Ustaviga, mustaqil balansiga, shaxsiy g‘azna hisob varaqlariga, o‘z nomi ko‘rsatilgan muhrga (O‘zbekiston Respublikasining Davlat gerbi tasviri tushiriladi), shtampga va blankalarga ega bo‘ladi.
5. Umumta’lim maktabining rasmiy nomi:
a) to‘liq nomi – Qashqadaryo viloyati Shahrisabz tumanidagi 65-umumiy o‘rta ta’lim maktabi, qisqartirmasi- umumta’lim maktab;
b) rus tilida:
to‘liq nomi – Кашкадарьинская область Шахрисабзский район специализированная государственная школа № 65, qisqartirmasi- специализированная государственная школа
в) ingliz tilida:
to‘liq nomi - Kashqadarya region, Shakhrissabz district State specialized secondary boarding – school № 65-, qisqartirmasi-specialized boarding-school
5. Umumta’lim maktabi Ustavi umumta’lim muassasasi pedagogik kengashida qabul qilinadi, tuman мaktabgacha va maktab ta’limi bo‘limida tasdiqlanadi va davlat xizmatlari markazida davlat ro‘yxatidan o‘tkaziladi.
6. Umumta’lim maktabida umumiy o‘rta ta’lim olish bepul amalga oshiriladi.
O‘quvchilarning ota-onalari yoki ularning o‘rnini bosuvchi shaxslarning (keyingi o‘rinlarda ota-onalar deb yuritiladi) ehtiyojidan kelib chiqib, bolalarning ta’lim-tarbiyasiga ko‘maklashish maqsadida umumta’lim muassasasida qo‘shimcha pullik ta’lim xizmatlari tashkil etilishi mumkin.
7. Umumta’lim maktabida ta’lim olish tilini tanlash O‘zbekiston Respublikasining «Davlat tili haqida»gi Qonuniga muvofiq amalga oshiriladi.
8. Umumta’lim maktabi O‘zbekiston Respublikasi мaktabgacha va maktab ta’limi vazirligi tizimiga kiritilgan Qashqadaryo viloyat мaktabgacha va maktab ta’limi boshqarmasi, Shahrisabz tuman мaktabgacha va maktab ta’limi bo‘limi tasarrufidagi ta’lim muassasasi hisoblanadi.
9. Umumta’lim maktabi Qashqadaryo viloyati Shahrisabz tumani, Sayyod MFY , Suvtushar qishlog'i o'rtasida joylashgan.