Ro’yxatga olindi

Fanning o‘quv rejadagi boshqa fanlar bilan o‘zaro bog‘liqligi va uslub jihatdan uzviy ketma-ketmaligi
Dinshunoslik fanlari ijtimoiy fan bo’lganligi sababli, bahs mavzuini, mazmun-mohiyatini, asosiy mavzularini va ularning ahamiyatini ochishda falsafa, sotsiologiya, pedagogika, madaniyat nazariyasi, O’zbekiston xalqlari tarixi, milliy istiqlol g’oyasi: asosiy tushuncha va tamoyillar, siyosatshunoslik, huquqshunoslik, tilshunoslik va adabiyot bilan uzviy aloqada o’rganiladi. Xuddi shuningdek, mazkur fanni o’rganishda ajdodlarimiz qoldirgan axloqiy-didaktik, tarbiyaviy usullari hamda islom diniy durdonalaridan va sharq san‘ati, madaniyati merosidan kengroq foydalanish ko’zda tutilgan.
Dinshunoslik fanini o’rganishda Samarqand, Buxoro, Qarshi va Shaxrisabz shaharlaridagi tarixiy va madaniy yodgorliklar bilan bog’lash hamda ularga ekspeditsiyalar tashkil qilish maqsad qilib qoyiladi. Talabaning fanni o’rganishga bo’lgan qiziqishini oshishi va ularning hayotiy ahamiyatini yorqin ifodalash maqsadida ular bilan taniqli faylasuflar, pedagoglar, psixologlar, olimlar, shoir yozuvchilar, san‘atkorlar, madaniyat xodimlari bilan uchrashuvlar hamda mahallalarda va mehnat jamoalarida milliy-ma‘naviy qadriyatlarga bagishlangan savol-javob kechalari o’tkazish mo’ljallanadi.
Fanni o‘qitishda zamonaviy axborot va pedagogik texnologiyalar
Fanni o‘qitishda innovatsion pedagogik texnologiyalar, jumladan quyidagi interaktiv uslublardan, jumladan muhokama-munozara, jamoaviy muhokama yoki muammolar ruyxatini tuzish, vaziyatni o‘rganish, tahlil qilish, bahs yoki munozaralar olib borish, tanqidiy fikrlash, rolli o‘yinlar, kichik guruhlarda ishlash, aqliy hujum, klaster (tutam, bog‘lam), baliq skeleti, ajurli arra, FSMU, bumerang, skarabey, kaskad, Veyer, pinbord, “T-sxema”,, delfi, blits-so‘rov, “Nima uchun?” texnologiyalari, ma’ruza-anjuman texnikasi, BBXB (Bilaman, bilishni xohlayman, bilib oldim), konseptual va insert jadvallaridan keng foydalaniladi.
Fan buyicha ma’ruza matnlarini tayyorlashda chet mamlakatlar, jumladan Hamdustlik mamlakatlarida yangi chop etilib. "Internet" tizimi orkali tarqatilgan elektron darsliklar, o‘quv qo‘llanmalar va ma’ruza matnlaridan foydalaniladi. Shuningdek, ma’ruzalarni o‘tishda elektron ma’ruzalardan, mavzularga mos multimediali slaydlar va videofilmlardan foydalanish ko‘zda tutiladi.