|
Informatika va axborot texnologiyalari fanidan umumiy oʼrta taʼlim dasturi mazmuni, mohiyati va tahlili.
Informatika va axborot texnologiyalari (Informatika va АT) – oʼsib kelayotgan avlodga axborotlar bilan ishlash texnologiyalari va ulardan foydalanish jarayonlarini puxta oʼzlashtirishni taʼminlashdan iborat.
Oʼquvchilarning ilmiy dunyoqarashi, mantiqiy tafakkur qila olish qobiliyati, aqliy rivojlanishi, oʼz-oʼzini anglash salohiyatini shakllanishi va oʼsishi koʼp jihatdan axborot texnologiyalariga bogʼliqdir.
Inson oʼz hayotida shaxsiy, ijtimoiy-iqtisodiy va kasbiy munosabatlarga kirishishi, jamiyatda oʼz oʼrnini egallashi, duch keladigan muammolarning yechimini hal etishi, eng muhimi oʼz sohasi, kasbi boʼyicha raqobatbardosh boʼlishi uchun zarur boʼlgan tayanch kompetentsiyalarga ega boʼlishi lozim.
Bundan tashqari, taʼlimda har bir oʼquv fanini oʼzlashtirish jarayonida oʼquvchilarda, shu fanning oʼziga xosligi, mazmunidan kelib chiqqan holda, sohaga tegishli fanga oid kompetentsiyalar ham shakllantiriladi.
Fanning maqsadi oʼquvchilarda milliy va umuminsoniy qadriyatlar
asosida axborot kommunikatsiya texnologiyalaridan oqilona foydalanish kompetentsiyalarini shakllantirish orqali ularni mamlakatimiz taraqqiyotiga munosib hissa qoʼshadigan shaxs etib tarbiyalashdan iborat.
Informatika va axborot texnologiyalari oʼquv fani oʼrta umumtaʼlim maktablarining 5-sinfidan boshlanadi va 11-sinfgacha davom etadi.
Ilgʼor milliy va xorijiy tajribalarni inobatga olgan holda fanni oʼqitishda rivojlangan davlatlarda keng qoʼllanilayotgan STEAM (science, technology, engeenering, art and mathematic - fan, texnologiya, muxandislik, sanʼat va matematika) oʼqitish kontseptsiyasiga hamda dasturlashning tayanch tushunchalarini (mantiqiy amallar, algoritmlar, blok-sxemalar va x.k.) shakllantirish metodologiyasiga tayanish maqsadga muvofiq.
Taʼlim sohasidagi islohotlar zaminidagi gʼoyani amalga oshirish bir qator muhim omillarga bogʼliq. Bu omillardan biri «Informatika va axborot texnologiyalari» yoʼnalishini tashkil etuvchi «Informatika va hisoblash texnikasi asoslari», «Informatika», «Аxborot texnologiyalari» kabi fanlarni oʼqitish muammosidir.
«Informatika va axborot texnologiyalari» yoʼnalishidagi fanlarni oʼqitish zaruriyati, tuzilmasi va faoliyat koʼrsatish sohalarida yuqori surʼatlar va fundamental oʼzgarishlar sodir boʼlayotgan hozirgi jarayonning oʼziga xos xususiyatlaridan kelib chiqadi. Jamiyatdagi bunday oʼzgarishlarning ildizi
axborotlar hosil qilish, ularni saqlash, uzatish va ulardan foydalanishning yangi
usul va vositalariga borib taqaladi. Biz axborotlashgan davrda turibmiz. Doimo oʼsib borayotgan axborot hajmini qayta ishlash va oʼz faoliyat doirasida undan unumli foydalanish zaruriyatiga duch kelayotgan jamiyat aʼzolari, turli kasb egalari soni tobora ortib bormoqda.
«Informatika va axborot texnologiyalari» yoʼnalishidagi fanlarni oʼqitish
zaruratining zamini, asosi boʼlib quyidagilarni anglash hisoblanadi:
zamonaviy kompьyuterlarda grafik interfeys, «doʼstona» muloqot vositalari va boshqa imkoniyatlarning mavjudligi barcha soha mutaxassislariga, umuman foydalanuvchilarga kompьyuter bilan bemalol muloqot qilish imkonini beradi;
kompьyuter savodxonligi natijasida yosh avlod rivojlanib borayotgan dunyoda kelajak hayotga va moddiy farovonlikka erishishga yaxshiroq tayyor boʼlishlari mumkin;
zamonaviy kompьyuter texnologiyalarining imkoniyatlari shu darajadaki, ulardan nafaqat taʼlimda, balki, har tomonlama yetuk, barkamol avlodni tarbiyalashda ham foydalanish mumkin.
Maktabgacha taʼlim, umumiy oʼrta taʼlim, oʼrta maxsus, kasb-hunar taʼlimi va undan keyingi taʼlim bosqichlarini oʼz ichiga olgan va informatika va dasturiy taʼminot boʼyicha mutaxassis boʼlmaganlarga moʼljallangan «Informatika va axborot texnologiyalari» fani pedagogikamiz uchun yangi boʼlgan nizom va qarashlar sistemasiga asoslangan.
kadrning butun «hayotiy sikli» hisobga olinishi kerak;
informatika yoʼnalishidagi fanlarni oʼqitish dunyoning hozirgi holati va rivojlanish istiqbollarini hisobga olgan holda taʼlim mazmunidagi oʼzgarishlarni aks ettirishi kerak
informatika va dasturiy taʼminot boʼyicha mutaxassis boʼlmaganlarga dasturlashni oʼrgatish zaruriyatidan voz kechish lozim;
informatika yoʼnalishidagi fanlarni oʼqitish didaktik spiral tamoyili asosida qurilishi kerak;
ishlab chiqilayotgan oʼquv kurslari mazmunining yangiligi va dolzarblik muddatini uzaytirishni axborotni qayta ishlash tamoyillariga urgʼu berish asosidagina amalga oshirish mumkin;
shaxsni oʼqitish, tarbiyalash va rivojlantirish sifatlarini kafolatlashga yoʼnaltirilganlik;
oʼqish vaqti resurslarini oʼquvchilarning tafakkurini rivojlantirish, oʼquv ijodiy faoliyatini tashkil etish foydasiga qayta taqsimlash.
Do'stlaringiz bilan baham: |
