Ro’yxatga olindi: №2019- yil

Fanning ishlab chiqarishdagi o’rni

Ushbu fan respublikamizda malakali kadrlarni bilim darajalarini takomillashtirishda katta ahamiyatga egadir. Talabalarga turli dasturlash tizimlarida loyihalash usullari, algoritmlarni ishlab chiqish hamda ular bo’yicha nazariy va amaliy bilimlar berish borasida talabalarni zarur bo’lgan bilimlar bilan qurollantiradi.

Fanini o’qitishdagi yangi informatsion-pedagogik texnologiyalar

“Axborotga ishlov berish va algoritmlash” fani matematik va tabiiy-ilmiy fanlar blokiga kiritilgan kurs hisoblanib, 1-kursda o’qitish maqsadga muvofiq. Unda turli xil algoritmlar bilan tanishtirish, yangi algoritmlarni ishlab chiqish va uni jarayonlarga tadbiq etish usullari o’qitiladi.

Talabalarning «Axborotga ishlov berish va algoritmlash» fanini o’zlashtirishi uchun o’qitishning ilg’or va zamonaviy usullaridan foydalanish, yangi axborot-pedagogik texnologiyalarni tadbiq qilish muhim ahamiyatga egadir. Bunda darslik, o’quv va uslubiy qo’llanmalar, ma’ruza matnlari, tarqatma materiallar, elektron materiallar va elektron darsliklardan foydalaniladi.

Ma’ruza va amaliy mashg’ulotlar mos ravishda zamonaviy informatsion-pedagogik texnologiyalardan foydalanib olib boriladi.

Mustaqil ish jarayonida talaba texnikaviy adabiyotlar va me’yoriy hujjatlar bilan ishlashni uddalashini namoyon qilishi, mashg’ulotlar vaqtida qabul qilingan informatsiyalarhaqida to’gri mushohada qilish qobiliyatini ko’rsatishi zarur.

«Axborotga ishlov berish va algoritmlash» fanini o’qitishda doimo yangi bilimlarga asoslanish kerak. Ayniqsa, yangi pedagogik texnologiyalardan foydalanilsa, fanni o’qitishda yuqori samara keltiradi. Fanni o’qitishda o’quv o’yinlaridan keng miqyosda foydalanish va fanni o’zlashtirishda darslik, o’quv va uslubiy qo’llanmalar, ma’ruza matnlari, tarqatma materiallar, elektron materiallar, virtual stendlardan foydalanish maqsadga muvofiqdir.