Rossiya o’zbekiston ittifoqchilik munosabatlarining o’rnatilishi va rivojlanishi reja

X U L O S A
Bitiruv malakaviy ishini o’rganish davomida mustaqil O’zbekiston va Rossiya Federatsiyasi o’rtasidagi o’zaro hamkorlik aloqalari ilmiy adabiyotlar va statistik ma’lumotlar orqali ilmiy tahlil qilinib, quyidagi xulosalarga kelindi:
Birinchidan, O’zbekiston Respublikasi tashqi siyosati tizimida Rossiya
Federatsiyasi bilan hamkorlik aloqalarini yoritib berildi;
Ikkinchidan, Davlatlarimizning demokratik taraqqiyot sharoitida savdo-
iqtisodiy hamkorlikning yo’lga qo’yilishini aytib o’tildi;
Uchinchidan, O’zbekiston va Rossiya o’rtasidagi strategik sheriklik to’g’risidagi bitimdan keyingi savdo-iqtisodiy hamkorlik aloqalari to’g’risida to’xtalib o’tildi;
To’rtinchidan, Davlatlararo ijtimoiy, madaniy va harbiy-texnikaviy
hamkorlikning yangi tizimi ko’rsatib o’tildi.
Beshinchidan, Mustaqillik tashqi siyosat yurgizish O’zbekiston uchun yangi yo’nalish edi, ma’lumki, sobiq totalitar tuzum sistemasida to’g’ridan-to’g’ri tashqi faoliyat olib borish huquqi bo’lmaganligi faktlar asosida bayon etildi.
Oltinchidan, O’zbekiston va boshqa davlatlarning xalqaro munosabatlar tizimidagi ishtirokida mamlakatdagi olib borilayotgan islohatlar va barqarorlik muhim o’rin tutadi. O’zbekistondagi ana shunday holat tashqi siyosiy, iqtisodiy faoliyatni yo’lga qo’yishda muhim omil ekanligi aytib o’tildi.
Yettinchidan, O’zbekiston va Rossiya 100 yildan ortiq davr mobaynida turli jabxalarda o’zaro bog’liq holda bo’ldi. Ikki o’rtada iqtsodiy, ilmiy, madaniy, harbiy aloqalar yo’lga qo’yilib, rivojlanib borayotganligi haqida keltirib o’tildi.
Yurtimiz mustaqillikka erishgandan so’ng esa munosabatlarimizning yo’lga qo’yilishi va mustahkamlanishi yo’lida ikki tomon o’z tashabbuslari bilan chiqdilar.
Mintaqada shu jumladan O’zbekistonda tinchlik barqarorlikni ta’minlash, iqtisodiy-ijtimoiy islohotlarni izchil samarali amalga oshirishda tashqi aloqalar muhim o’rin tutadi.

O’zbekiston Respublikasining Rossiya Federatsiyasi bilan birga qo’ygan hamkorlik aloqalari shunga qaratilgan. Munosabatlarimizning rivojlanib borishi jarayonini kuzatsak, bunda biz tomonlar manfaatlari, o’zaro tenglik va huquqiy asoslarda bir-birini uyg’unlashtirayotganini ko’ramiz. Davlatlarimiz rahbarlarining bir qator uchrashuvlarda ko’pgina shartnoma bitimlar imzolandi. Ular asosida talay ishlar amalga oshirildi.

«Strategik sheriklik» to’g’risidagi bitim imzolanishi mamlakatlarimizni yanada yaqinlashtirdi. Yoqilg’i-energetika, sanoat, metallurgiya, transport, agrar sohalarda tomonlar savdo munosabatlarini rivojlantirdilar. Ijtimoiy, madaniy munosabatlar kuchaya boshladi.
Ittifoqchilik munosabatlariga o’tish esa munosabatlarni yangi bosqichga olib chiqdi. Uning natijasida vujudga keladigan voqelikni biz faqat ijtimoiy deb baholashimiz mumkin bo’ladi. Bunday yaqinlik O’zbekistonda milliy, iqtisodiyotni ko’tarish, barqarorlashtirish, xavfsizlikni ta’minlash, chegaralar daxlsizligi, suverenitetni himoya qilishda mustahkam asos yaratadi.
1995-2000 yillar; Tomonlarning savdo-iqtisodiy aloqalari harbiy-texnikaviy terrorizmga qarshi kurashda hamkorlikda yagona fikrga kelindi. Bu borada bir nechta shartnomalar imzolandi.
2000 yildan keyin; bu bosqichda Rossiya hokimiyat tepasida V.Putinning kelishi va O’zbekiston-Rossiya munosabatlarining mustahkam asosga qurilgan aloqalarini yangi bosqichga ko’tarilishini ko’ramiz. Har ikki davlat o’zlarining manfaatlaridan kelib chiqqan holda, turli sohalardagi aloqalarni kuchaytirdilar. O’rtada ittifoqchilik munosabatlari o’rnatildi. Bu esa yurtimizning gullab-yashnashi, tinchlik va barqarorlikni ta’minlashi uchun muhim omil bo’ldi.
Mintaqada shu jumladan O’zbekistonda tinchlik barqarorlikni ta’minlash, iqtisodiy-ijtimoiy islohotlarni izchil samarali amalga oshirishda tashqi aloqalar muhim o’rin tutadi.