Ромитан туман 28-умумтаълим мактаб

Ромитан туман 28-умумтаълим мактаб
28-умумтаълим мактабида 3 нафар олий маълумотли она тили ва адабиёти фани ўқитувчилари фаолият кўрсатмокда.
Она тили ва адабиёти ўқитувчилари ўз мутахассислиги бўйича МО курсларидан ўтиб келган. Она тили ва адабиёти синф хонаси ДТС талаблари асосида жихозланган.
Мактабда она тили фани метод бирлашмаси иш олиб боряпти. Методбирлашма раҳбари-Нафасова Моҳигул.
Мактабнинг тузган 2020 йил иш режасига асосан, она тили фанининг ўқитилиши директор ҳузуридаги йиғилишда ўрганилган. 3 чорак якуни билан бўладиган педагогика кенгаши йиғилишида она тили фанининг ўқитилиши февраль ойида ўрганилиши режалаштирилган.
28 умумтаьлим мактаби она тили ва бошланғич синф ўқитувчилари 14 октябр куни фан ойлиги муносабати билан ички семинар ташкил этдилар. Семинарда очиқ дарс ва тадбир (карантин қоидаларига риоя қилинган ҳолда) ташкил этилди. Фан ойлиги бурчаги ташкил этилган. “Тарихимсан, тақдиримсан она тилим” мавзусида радио эшиттириш, 5-8-синфлар ўртасида “Энг бежирим ва чиройли ҳусни хат” мавзусида танлов ўтказилди.
Дарс таҳлили:
Нафасова Моҳигул 9 ”А” синфидаги адабиёт дарси кузатилди. Ўқитувчи олий маълумотли, 2-малака тоифасига эга, 25 йил иш стажига эга. Дарсда жами 27 нафар ўқувчидан 14 нафари қатнашди, 3 нафар ўқувчи касаллиги сабабли дарсга қатнашмади. Қолган ўқувчилар масофали таълим шаклида ўтказилган.
Янги мавзу: Алишер Навоийнинг “Хамса” асари. Хамса ўзбек бадиий тафаккурининг чўққиси. Дарс ўтишда дарс этаплари асосида ташкил килинди. Ўқувчиларнинг топшириқни тўғри бажариб бориши назорат қилиб борилди. Ўқитувчи дарснинг ҳар бир боскичида танланган методларни тўғри қўллай олди, кўргазма қуроллар, тарқатма материалллардан самарали фойдаланилди. Тестга тўғри жавоб берган гурух рағбатлантирилиб борилди. Дарс ўз мақсадига эришди.
Дарсда PISA тестларидан фойдаланилмади, шундай тестлардан дарсларда фойдаланиш бўйича тегишли таклиф ва маслаҳатлар берилди.
Назорат ва айланма дафтарлар ахволи: Синфларда 2 рақамдаги айланма дафтарлар ташкил этилган, бир хил муқоваланган. Ўқувчилар томонидан нотўғри ёзилган сўзлар ва ҳарфлар элементлари кўрсатиб берилмаган. Ўз вақтида алмаштирилиб баҳоланган. Назорат ишлари олиб борилган. Назорат иш баҳолари журнал билан таққосланганда тафовут сезилмади. Барча дафтарлар баҳоланган, лекин бажарилган топшириклар натижасига нисбатан юқори баҳоланган, ўқувчининг баъзи хатолари тузатилмаган. Дафтарларни юритишда гигиеник ва эстетик тарбияга эътибор берилган.
Кундаликлар ахволи: барча синф ўқувчиларида кундалик бор, аммо баъзи кундаликлар талаб даражасида эмас. Камчиликлар айтиб ўтилди.
Дарсликлар билан 100% таъминланган.
Методбирлашма раҳбарининг иш ҳужжатлари ўрганилганда, ҳужжатларни юритишдаги айрим камчиликлар аниқланди ва ўз ўрнида тузатилди. Тестлар банки мавжуд. Бўшликлар буйича етарли иш олиб борилмаган.
Дарс тахлили:
Каримова Гулноз 10-Б синфидаги адабиёт дарси кузатилди. Янги мавзу: Тўнюқуқ битиктоши
Дарсда жами 22 нафар ўқувчидан 15 нафари қатнашди, 7 нафар ўқувчи онлайн дарс кузатади. Дарс ўтишда дарс муқаддас талаблари асосида ташкил килинди. Ўқувчилар ёзуви ва топширикни тўғри бажариши назорат килиб борилди. Ўкитувчи томонидан дарснинг хар бир боскичида методларни тўғри қўллай олинди. Дарс ноананавий тарзда ташкил этилган. Дарсда ўқитувчи томонидан ўқувчиларнинг диққатини жамлай олиши яхши ташкил этилди, синфда ишчанлик руҳи яратилди, ўқувчиларни эркин фикрлашга ўргатиш маҳоратидан самарали фойдаланилди.
Вақт тақсимоти ҳисобга олинмади. Ўқувчилар нутқида камчиликлар мавжуд, шунга кўпроқ эътибор бериш керак, дарсда фанлараро алоқадорликдан фойдаланилса яхши бўлар эди, чунки мавзу тарих фани билан боғлиқ эди.
Дарс таҳлили
Шодиева Нозима олий маълумотли, 3 йиллик иш стажига эга. 7-В синфида бир соат адабиёт дарси кузатилди. Янги мавзу: Шухратнинг “Мардлик афсонаси балладаси”. Дарс ўтиш этаплари ва режа асосида ташкил қилинган. Мавзу ўқувчиларга тушунтириб берилди. Интерфаол методлардан фойдаланилди. Дарсда барча ўқувчилар билан бир хил иш олиб борилди. Дарс анъанавий тарзда ташкил этилди. “Ақлий ҳужум” методидан фойдаланилди. PISA тест топшириқларидан фойдаланилди. Ўқувчиларнинг ҳусни хати талаб даражасида. Кўргазма қуроллардан, ўқув дарслиги ва қўшимча адабиётдан унумли фойдаланилди.
Дарсда дидактик талаблардан, фанлараро алоқадорликдан фойдаланилса яхши бўлади, бу бўйича тегишли тавсиялар берилди.


Маълумотни тайёрлади туман ХТБ методисти: М. Асадова