Рўйхатга олинди

Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвийлиги

“Электроника ва схемалар 1” умумкасбий фани ҳисобланади. Мазкур дастурни амалга ошириш учун талаба ўқув режасида режалаштирилган “Математика 1, Математика 2”, “Физика 2” фанларидан билим ва кўникмаларга эга бўлиши талаб этилади. “Электроника ва схемалар 1” фани ахборот ва коммуникация технологиялари йўналишлари бўйича мутахассислар тайёрлашдаги негиз фанлардан бири бўлганлиги учун, бу фанни ўзлаштиришда олинган билим ва тажриба келажакда махсус фанлар учун замин бўлиб хизмат қилади.

Фан бўйича талабаларнинг билим, кўникма ва малакаларига қўйиладиган талаблар

Фанни ўқитишдан мақсад – ахборот ва коммуникация технологияларида ишлатиладиган схемалар ва электрон асбоблар турларини, характеристикаларини, уларнинг тузилиши, ишлаш механизимлари ва улар ёрдамида яратиладиган мураккаб қурилмаларнинг технологик ва схемотехник хусусиятларини ўрганиш масалаларини ҳамда уларни амалиётда татбиқ этиш кўникмасини ҳосил қилишдан иборат.

Ушбу мақсадга эришиш учун фан талабаларни назарий билимлар, амалий кўникмалалар, ахборот ва коммуникация технологияларида ишлатиладиган схемалар ва электрон асбобларга илмий ёндашув ҳамда илмий дунёқарашини шакллантириш вазифаларини бажаради.
Фан бўйича талабаларнинг билим, кўникма ва малакаларига қўйидаги талаблар қўйилади:

• 
  Пассив элементларда электр токи ва кучланиши орасидаги муносабатларни аниқлаш.
  
• 
  Турли хил генераторлар ва ўлчов асбобларини ишлата билиш.
  
• 
  Электр занжиридаги пассив ва актив элементлардаги ток ва кучланишларни ҳисоблаш.
  
• 
  Электр занжир топологиясини аниқлаб ва уни таҳлил қилиш учун керакли тенгламанинг минимум сонини аниқлаш.
  
• 
  Электр занжирини таҳлил қилиш усулларини топиш.
  
• 
  Биринчи ва иккинчи тартибли схемаларни тушуниш ва математик атамалар ўртасидаги боғлиқликни тушуниш
  
• 
  Laplas конвертациясини вақтинчалик ва барқарор ҳолатда электрон таҳлил қилиш
  
• 
  Тизим ҳолатини вақтинчалик ва барқарор ҳолатда симуляция қилиш.