Рўйхатга олинди №

4. КУРС ИШИНИНГ МАЗМУНИ 
 
Ўқув режасида кўрсатилган фан бўйича курс иши мазмуни унинг 
мавзусидан келиб чиқиб белгиланади.
Курс ишининг таркибий тузилиши қуйидагилардан иборат: 
- курс ишининг муқоваси (титул варағи); 
- иш мазмунининг мундарижаси (режаси); 
- кириш; 
- курс ишининг асосий матн қисми (назарий ва амалий саволлар 
параграфларда); 
- хулоса ва таклифлар; 
- фойдаланилган адабиѐтлар рўйхати; 
- иловалар. 
Курс иши мундарижаси (режаси) талаба томонидан тузилади ва илмий 
раҳбар билан келишган ҳолда кафедра мудири томонидан тасдиқланади. 
Ишнинг кириш қисмида танланган курс иши мавзусининг долзарблиги ва 
аҳамияти, реал шароитларда бу масаланинг қўйилиши ва ечимининг ўзига хос 
жиҳатлари асослаб берилади. Шунингдек, бу қисмда курс ишининг мақсад ва 
вазифалари, муаммонинг ўрганилганлик даражаси, курс иши объекти ва 
предмети, курс ишининг тузилиши аниқ кўрсатилади. 
Курс ишининг асосий матн қисмида ўрганилаѐтган мавзунинг назарий 
асослари очиб берилади ҳамда танланган мавзунинг умумназарий масалалари 
кўриб чиқилади. Курс ишининг бу қисмида амалий маълумотлардан 
фойдаланилган 
ҳолда 
тадқиқот 
объектининг 
ташкилий-иқтисодий 
тавсифномаси берилади. Талаба танланган иш объектининг фаолиятини ҳар 
томонлама, чуқур таҳлил қилган ҳолда, ундаги камчиликларни бартараф этишга 
қаратилган тавсияларни илмий асослаб беради. 
Асосий матн қисмининг барча параграфлари тадқиқот объектининг 
самарадорлигини ошириш бўйича таклифлар билан тугалланади.
Ишнинг хулоса ва таклифлар қисмида ўтказилган тадқиқотга қисқача якун 
ясалиб, танланган курс иши мавзуси йўналишларига мувофиқ ҳолда тадқиқот 
объекти фаолиятини тўғри ташкил этиш ва уни такомиллаштириш ҳамда 
самарадорлигини ошириш бўйича аниқ таклифлар баѐн этилади. 
Курс иши талаба томонидан мустақил ҳолда мантиқий жиҳатдан кетма-
кетлик, изчиллик услубда ѐзилган бўлиши керак. Шунингдек, ишда 
фойдаланилган адабиѐтлардан тўғридан-тўғри кўчириб ѐзишга (плагиатликка) 

---

7 
умуман рухсат этилмайди. Ишнинг плагиатлик асосида бажарилганлиги 
аниқланганда, у ҳимоя қилишга тавсия этилмайди.