Rivojlantirish instituti j. J. Jalolov, I. A. Ahmedov, I. S. Hotamov korxona tashqi iqtisodiy

Sug‘urta hujjatlari. Ushbu hujjatlar sug‘urta qiluvchi va
sug‘urta qilinayotgan shaxs o‘rtasidagi munosabatlarni aks
ettiradi. Sug‘urta qiluvchining roli shundan iboratki, u sug‘urta
qilingan shaxsga baxtsiz hodisa tufayli yetkazilgan zararni
to‘laydi. Sug‘urta hujjatlariga quyidagilar kiradi:
Sug‘urta polisi — sug‘urta qiluvchi tomonidan beriladigan
va sug‘urta to‘g‘risidagi shartnomani tasdiqlaydigan hujjat.
Polisda tuzilgan shartnomaning shartlari ko‘rsatiladi. Unda
sug‘urta qiluvchi aniq ko‘rsatilgan to‘lov evaziga shartnomada
ko‘rsatilgan tavakkallar va baxtsiz hodisalar tufayli yetkazilgan
zararni qoplash majburiyatini oladi.
Sug‘urta polisi sug‘urta jamiyati tomonidan sug‘urta
qilinuvchiga u sug‘urta to‘lovini to‘lab bo‘lganidan keyin beriladi.
Sug‘urta polislari sug‘urtani rasmiylashtirish tartibi va
tavakkalning xususiyatidan kelib chiqib turli ko‘rinishlarda va
nomlarda bo‘ladi. 
Bosh polis sug‘urta qiluvchi va sug‘urta
qilinayotgan shaxs o‘rtasidagi uzoq muddatli shartnomadan
iborat bo‘ladi. 
Reysli sug‘urta polisi sug‘urta obyektini ma’lum
muddatga sug‘urta qiladi. 
Aralash polis bo‘yicha obyekt ham
ma’lum reysga, ham ma’lum muddatga sug‘urta qilinadi.