Risk bо‘yicha shartnomalar va axborot almashish. Reja: Operatsion protseduralar va majburiyatlar

Tо‘xtab qolishlarni rо‘yxatga olish
Tо‘xtab qolishlarni rо‘yxatga olish va tahlil qilish, shuningdek, tegishli choralar kо‘rish kerak.
Foydalanuvchilar yoki tizim dasturlari xabar bergan, shuningdek, axborotga ishlov berish tizimlari yoki telekommunikatsiyalar tizimlari bilan bog‘liq tо‘xtab qolishlarni rо‘yxatga olish kerak. Ushbu tо‘xtab qolishlar bilan muomalada bо‘lishning aniq bayon qilingan qoidalarini о‘rnatish kerak, jumladan:
a) tо‘xtab qolishlar oqibatlarini muvaffaqiyatli bartaraf etish uchun tо‘xtab qolishlar jurnallarini tahlil qilish;
b) boshqarish vositalari oshkor etilmaganligi va bajarilgan xatti-harakatlarga tо‘liq ruxsat berilganligiga ishonch hosil qilish uchun tuzatish kirituvchi tadbirlarni tahlil qilish.
Agar ushbu tizim funksiyasidan foydalanish mumkin bо‘lsa, hodisalarni rо‘yxatga olish kiritilganligiga ishonch hosil qilish kerak.
Boshqalar
Xatolarni va tо‘xtab qolishlarni rо‘yxatga olish tizimning unumdorligiga ta’sir qilishi mumkin. Bunday rо‘yxatga olishni vakolatli xodim kiritishi, muayyan tizimlar uchun talab qilinadigan hodisalarni rо‘yxatga olish darajasini esa, unumdorlik pasayishini hisobga olib, xavflarning ta’rifiga muvofiq belgilash kerak.
Soatlarni sinxronizatsiya qilish
Axborotga ishlov berish barcha tizimlarining soatlari, zarurat bо‘lganda, tashkilot doirasida yoki xavfsizlik sohasida tegishli aniq vaqt manbai bilan sinxronizatsiya qilingan bо‘lishi kerak.
Kompyuter yoki aloqa vositasi soatdan real vaqtda foydalanish imkoniyatiga ega bо‘lgan joylarda ularni muvofiqlashtirilgan butunjahon vaqti (Universal Coordinated Time UCT) yoki mahalliy standart vaqt bо‘yicha belgilash kerak. Ma’lumki, ba’zi soatlar «oldin yuradi» yoki «orqada qoladi», shuning uchun sezilarli о‘zgarishlarni tekshiradigan va tо‘g‘rilaydigan protsedura bо‘lishi kerak.
Sana/vaqtni tо‘g‘ri aks ettirish uchun sana/vaqt formatini tо‘g‘ri interpretatsiyasi ta’minlanishi muhim. О‘ziga xos mahalliy xususiyatlarni e’tiborga olish kerak (masalan, yozgi va qishki vaqt).
Kompyuter soat (taymer)larini tо‘g‘ri о‘rnatish audit jurnallarini tо‘ldirishning aniqligini ta’minlash uchun muhim, bu jurnallar tekshiruvlar uchun yoki sud yoki ma’muriy tergovlarda dalil sifatida kerak bо‘lishi mumkin. Auditning notо‘g‘ri jurnallari bunday tekshiruvlarni qiyinlashtirishi, shuningdek, yig‘ilgan isbotlarning ishonchliligidan shubhalanishga olib kelishi mumkin. Rо‘yxatga olish tizimlari uchun asosiy soat tariqasida aniq vaqt radiosignali bilan bog‘liq bо‘lgan milliy atom soatlaridan foydalanish mumkin.
Serverlarning asosiy soat bilan sinxronizatsiya qilinishini ta’minlash uchun vaqtinchalik tarmoq bayonnomasidan foydalanish mumkin.

Nazorat savollari :

1. Operatsion protseduralar va majburiyatlar tо‘g‘risida ma’lumot bering ?
2. Ishlab chiqarish, testdan о‘tkazish muhitlarini taqsimlash haqida nimalarni bilasiz ?
3. Yekspluatatsiya deganda nimalarni bilish zarur ?
4. Begona tashkilotlar xizmatlarini nazorat qilish va qayta kо‘rib chiqish qay tarzda amalga oshiriladi ?
5. Zarar keltiruvchi dasturiy ta’minotdan va mobil koddan muhofaza qilish qanchalik zarur ?
6. Tarmoq xavfsizligini boshqarish haqida sozlab bering ?
7. Axborotning almashinadigan tashuvchilari qanday boshqariladi ?
8. Axborot tashuvchilarini utilizatsiya qilish nimalardan iborat ?
9. Axborot tashuvchilarini almashinuvining siyosati va protseduralari haqida fikringizni bayin qilib bering ?
10. Tizimlardan foydalanish monitoring qanday amalga oshiriladi ?