Risk bо‘yicha shartnomalar va axborot almashish. Reja: Operatsion protseduralar va majburiyatlar

Axborot tashuvchilarini utilizatsiya qilish
Axborot tashuvchilaridan foydalanib bо‘lgandan sо‘ng, rasmiy tartibni qо‘llagan holda, ularni ishonchli va xavfsiz utilizatsiya qilish kerak.
Ma’lumot tashuvchilarini pala-partish utilizatsiya qilish natijasida konfidensial axborot begona kishilar qо‘liga tushib qolishi mumkin. Bunday xavfni minimumga keltirish uchun axborot tashuvchila rini xavfsiz utilizatsiya qilishning rasmiylashtirilgan protseduralari belgilanishi kerak. Buning uchun quyidagi masalalar kо‘zda tutilishi zarur:
a) konfidensial axborotga ega bо‘lgan axborot tashuvchilarini saqlash va ishonchli hamda xavfsiz (masalan, yoqish/maydalash yо‘li bilan) utilizatsiya qilish kerak. Agar tashuvchilardan tashkilot doirasida boshqa maqsadlar uchun foydalanish rejalashtirilayotgan bо‘lsa, undagi axborot yо‘q qilinishi kerak;
b) xavfsiz utilizatsiya qilish kerak bо‘lib qolishi mumkin bо‘lgan tashuvchilarni belgilash tartibini joriyetish kerak;
c) tashuvchilarni muhimlik darajasi bо‘yicha saralashdan kо‘ra barcha axborot tashuvchilariga nisbatan xavfsiz utilizatsiya qilish choralari kо‘rilishi osonroq bо‘lishi mumkin;
d) kо‘pgina tashkilotlar qog‘oz, uskuna va axborot tashuvchilarni yig‘ish va utilizatsiya qilish bо‘yicha xizmatlarini taqdim etadilar. Tо‘g‘ri keladigan pudartchini undagi tajriba va axborot xavfsizligi zarur darajasining ta’minlashini hisobga olgan holda, sinchiklab tanlash kerak;
e) konfidensial axborotga ega bо‘lgan tashuvchilarini utilizatsiya qilishni imkoni boricha bayonnoma tuzish uchun saqlanishi kerak bо‘lgan rо‘yxatga olish jurnalida qayd qilish kerak.
Utilizatsiya qilinishi kerak bо‘lgan axborot tashuvchilari yig‘ilib qolganida «agregirlash effektini» e’tiborga olish kerak, ya’ni yig‘ilib qolgan maxfiy bо‘lmagan axborotning katta hajmi maxfiy axborotning kichik hajmidan kо‘proq konfidensial bо‘lib qolishi mumkin.
Tashuvchilar pala-partish utilizatsiya qilinishi natijasida yopiq axborot oshkor etilishi mumkin (9.2.6).