Республикаси олий ва ўрта махсус таълим

УМУМИЙ ХУЛОСА.

Амалга оширилган тадқиқот натижасида қуйидагича хулосаларга келдик. «Таълим тўғисида»ги Қонун ва «Кадрлар тайёрлаш миллий дастури»,
«Болажон» дастури, Мактабгача ёшдаги болалар таълим-тарбиясига қўйиладиган Давлат талабларида мактабгача таълим-тарбия муассасаларида болаларнинг экологик тарбияси муҳим ижтимоий-иқтисодий ва педагогик аҳамиятга молик масалалардан бири эканлиги уқтирилади. Шу сабабли бу илмий муаммо махсус педагогик илмий-тадқиқот объекти сифатида ўрганилмоғи лозим. Муаммонинг илмий ечими болаларни она-табиатни севиш ва муҳофаза қилишга ўргатишнинг самарали йўлларини аниқлаш имкониятини беради.
Мактабгача таълим муассасаларининг катта гуруҳларида экологик тарбия беришнинг мавжуд аҳволини илмий таҳлил этиш бизни шундай хулосага олиб келдики, экология ҳақидаги билимларидан камчиликлар мавжуд экан. Бу камчиликларни мавжудлигининг туб сабаблари, биринчидан тарбиячилар фаолияти билан боғлиқ бўлса, иккинчидан мазкур дастур ва қўлланмаларда болаларга экологик тарбия беришга махсус ўрин ажратилмаганлигидир.
Мактабгача таълим муассасаларининг катта гуруҳларида болаларни экологик тарбиясини такомиллаштириш кўп жиҳатдан уларни психик ривожланиши (хотира, диққат, нутқ, тафаккур) умумий мантиғий фикрлаш даражаси, болаларни ғизиғишлари билан чамбарчас боғлиқ бўлиши керак.
Мактабгача таълим муассасаларининг катта гуруҳ болаларини экология таништиришда турли расмлардан, жонли объектлардан, шунингдек баҳор, ёз ойларида боғларга, ҳиёбонларга, сув ҳавзаларига сайр ва экскурсиялар уюштиришдан унумли фойдаланиш муҳимдир.
Мактабгача таълим ёшдаги болаларга экологик тарбия беришда суҳбатлар ўтказиш, шеър ва топишмоқларни ёд олдириш, эртак ва ҳикояларни мунтазам тарзда ўқиб бериш мағсадга мувофиғдир.
Ўтказилган таълим-тарбиявий ишлар, тажриба-синовлар мактабгача таълим муассасаларининг катта гуруҳ болаларига экологик тарбия бериш самарали эканлигини тўла исботлади. Бу ўз навбатида болаларнинг экологик билимларини оширишга она-табиатни асраб авайлашларига ижобий таъсир этади.
Олиб борилган тадқиқот ва тажриба-синов ишлари тадқиқотнинг илмий фаразини тўғрилигини исботлади.
Олиб борилган тадқиқот иши мактабгача ёшдаги болаларга экологик таълим-тарбия беришнинг айрим масалаларини ҳал этишга ёрдам беради.
Бу методик тавсиялардан мактабгача таълим муассасаларини тарбиячилари ва педагогик коллеж талабалари болаларга экологик тарбия жараёнида амалий жиҳатдан фойдаланишлари мумкин.