Республикаси олий ва ўрта махсус таълим вазирлиги

Умумий қоидалар



Кириш
Бозор иқтисодиёти шароитида пул ва пул муносабатлари, кредит ва кредит муносабатлар, банклар ва банк тизимининг роли ошиб боради.
Пул ва кредит бозор муносабатларини олиб боришнинг асосий воситаларидан ҳисобланиб бозор механизмининг самарадорлигини таъминлашда муҳим аҳамият касб этади. Ушбу курсда пул, унинг иқтисодий моҳияти, функциялари, бозор иқтисодиёти шароитидаги роли, пул айланиши ҳамда таркибий қисмлари нақд пуллик ва нақд пулсиз айланиши, пул тизими, Ўзбекистон Республикаси пул тизими, инфляция, миллий валюта барқарорлигини таъминлаш асослари, инфляциянинг турлари ва келиб чиқиш сабаблари, кредит ва унинг турлари, функциялари, халқаро муносабатларда пул, кредит ва валюта муносабатларининг роли каби саволлар назарий жиҳатдан кўриб чиқилади ва иқтисодиёт йўналишларида таҳсил олувчи ўқувчиларда билим ва кўникмаларни шакллантиришга замин яратади.
Фаннинг мақсади ва вазифалари
Мазкур ўқув дастурида ўқувчиларга амалдаги тармоқ таълим стандартлари доирасида чуқур билим ҳамда амалий кўникмаларни бериш, ўқитишнинг интерактив услублари, янги авлод ахборот коммуникация технологиялари, компьютерлаштирилган дастурлар қўллаган ҳолда машғулотларни назарий, амалий дарслар кўринишида ташкил этилиб чуқур назарий билимлар ва амалий кўникмалар бериш мақсад қилиб қўйилган.
Алоҳида урғу фанлараро боғланишга берилган бўлиб, бунда мазкур фан “Бухгалтерия ҳисоби”, “Молия”, “Қимматли қоғозлар бозори”, “Солиқлар ва солиққа тортиш” “Банк иши” “Банкларда бухгалтерия ҳисоби”, “Иқтисодий таҳлил”, “Банк маркетинги ва менежменти” каби фанларда ўтилган мавзуларни ўзлаштириш учун асосий замин бўлади.
Фан бўйича ўқувчиларнинг билими бўйича қуйидаги талаблар қўйилади:

• 
  дастлабки иқтисодий билимларга эга бўлиш;
  
• 
  иқтисодий категориялар, бозор иқтисодиётига ўтиш тамойилларини билиш;
  
• 
  товар-пул муносабатларининг мохиятини билиш;
  
• 
  пул айланмаси ва унинг тузилишини билиш;
  
• 
  инфляция ва пул муомаласини барқарорлаштириш усулларини билиш;
  
• 
  кредит ва банк тизими соҳасидаги билимларга эга бўлиш;
  
• 
  молиявий-иқтисодий инқирозларни келиб чиқиш сабабларини билиш.