Республикаси олий ва ўрта махсус таълим вазирлиги

ЎЗБЕКИСТОН РЕСПУБЛИКАСИ

ОЛИЙ ВА ЎРТА МАХСУС ТАЪЛИМ ВАЗИРЛИГИ
Ўрта махсус, касб-Ҳунар таълимИ Маркази
Рўйхатга олинган КМД-3340901-3.02 рақами 2013 йил “20” декабрь		Вазирликнинг 2013 йил “20” декабрдаги “484”-сонли Буйруғи билан тасдиқланган

ИҚТИСОДИЙ АХБОРОТЛАРНИ КОМПЬЮТЕРДА ҚАЙТА ИШЛАШ
ЎҚУВ АМАЛИЁТИ ФАН ДАСТУРИ
Билим соҳаси: 300000. Ижтимоий фанлар, бизнес ва ҳуқуқ

Тайёрлов йўналишлари:	Касблар:
3340100. Иқтисодиёт	3340101. Иқтисодчи
3340600. Молия	3340601. Молиячи
3340700. Банк иши	3340701. Банк иши мутахассиси
3340800. Солиқ ва солиққа тортиш	3340801. Солиқ инспектори
3340900. Бухгалтерия ҳисоби ва аудит (тармоқлар бўйича)	3340901. Бухгалтер
3341300. Суғурта иши	3341301. Суғурта иши

Тошкент-2013

Фан дастури Олий ва ўрта махсус, касб-ҳунар таълими тайёрлов йўналишлари бўйича Мувофиқлаштирувчи кенгашнинг 2013 йил “20” декабрдаги “5”- сон мажлис баёни билан маъқулланган.

Фан дастури Тошкент молия ва иқтисодиёт коллежида ишлаб чиқилди. 300000. Ижтимоий фанлар, бизнес ва ҳуқуқ билим соҳаси бўйича шўъба келишувидан ўтказилди. (Келишув баёни №8 «9» июль 2012йил.)
Тузувчи: К.Маханов - Тошкент молия ва иқтисодиёт коллежи ўқитувчиси


Тақризчи :

Мамаражабов М.-Тошкент Давлат педагогика университети “Информатика ва таълимда ахборот технологиялари” кафедраси мудири

1. УМУМИЙ ҚОИДАЛАР
Кириш.
Республикамиз мустақилликка эришгач, ҳаётимизнинг барча жабҳаларида бўлганидек, таълим тизимида ҳам улкан ислоҳотлар амалга оширилди, бунда таълим-тарбия жараёнига ахборот технологияларини жорий этиш муаммосини ҳал қилиш муҳим аҳамият касб этади.
Бу муаммога ҳукуматимиз томонидан алоҳида эътибор билан қаралмоқда. Жумладан, Президентимиз И.А.Каримовнинг 2011 йил якунлари ва 2012 йилда Ўзбекистон Республикасини ижтимоий-иқтисодий ривожлантиришнинг устивор йўналишларига бағишланган мажлисда сўзлаган нутқида касб-ҳунар коллежларида тайёрланаётган мутахассисларнинг ҳар томонлама етук, билимли кадр сифатида тайёрлаш ҳозирги кунда ўрта махсус касб-ҳунар таълими тизими олдида турган энг муҳим вазифалардан бири эканлигини уқтирган эди. Бу борада мазкур вазифани бажаришда коллеждаги таълим жараёнига ахборот технологиялари, улар ёрдамида иқтисодий билимлар сифатини ошириш, компьютер воситасида иқтисодий ахборотларни қайта ишлаш бўйича ўқувчиларда зарур кўникмаларни шакллантириш кабилар алоҳида аҳамиятга эга саналади.
Шуларни эътиборга олган ҳолда касб-ҳунар таълими муассасалари ўқувчиларига ахборот технологияларидан унумли фойдаланиш, бунинг учун зарур шарт-шароитларни яратиш йўлида бир қанча ишлар амалга ошириб келинмоқда.
Президентимиз ташаббуси билан Ўзбекистон Республикаси Вазирлар Маҳкамасининг 2001 йил 23 майда қабул қилинган 230-сонли «2001—2005 йилларда компьютер ва ахборот технологияларини ривожлантириш, «Интернет»нинг халқаро ахборот тизимларига кенг кириб боришини таъминлаш дастурини ишлаб чиқишни ташкил этиш чора-тадбирлари тўғрисида»ги, қарорлари қабул қилинди. 2002 йил 30 майда эса Ўзбекистон Республикаси Президентининг «Компьютерлаштиришни янада ривожлантириш ва ахборот-коммуникация технологияларини жорий этиш тўғрисида»ги фармони, мазкур фармонни амалга ошириш юзасидан Вазирлар Маҳкамасининг 2002 йил 6 июндаги «2002–2010 йилларда компьютерлаштириш ва ахборот-коммуникация технологияларини ривожлантириш дастури» тўғрисидаги қарори эълон қилинди.