Республикаси олий ва ўрта махсус таълим вазирлиги давлат солиқ ҚЎмитаси солиқ академияси

АХЛОҚ – жамиятда қабул қилинган, жамоатчилик фикри билан маъқулланган хулқ-одоб нормалари мажмуи.
БИЛИМ- бир бутунликни ташкил қилувчи қисмлар орасидаги уларнинг тадрижий ривожининг ички заруриятидан келиб чиққан алоқадорлик.
БИЛИШ ФАОЛИЯТИ- идрок қилиш ҳисси, назарий фикрлаш ва амалий фаолият бирлиги.
БИОЛОГИК ЭҲТИЁЖЛАР - бу - физиологик (ташналик, очлик, уйқу), жинсий, мослашув эҳтиёжлари.
БИХЕВИОРИЗМ — психологияда даставвал АҚШ да ҳайвонларда ўтказилган кузатишларнинг (Э. Торндайк, Д. Уотсон ва бошқалар) натижаси сифатида пайдо бўлган йўналишдир. Бихевиоризмнинг негизини психологик тадқиқот предмети сифатида психикани ва онгни инкор этиш ётади.
БОШҚАРИШ ПСИХОЛОГИЯСИ - Бошқариш психологияси психологиянинг шундай тармоғики, у бошқарув фаолияти билан боғлиқ бўлган муаммоларни, шахс ва шахслар гуруҳи томонидан бошқа гуруҳлар фаолиятини самарали ташкил этиш ва биргаликдаги фаолиятини амалга оширишнинг психологик механизмларини ўрганади.
БОШҚАРУВ УСУЛЛАРИ - бошқарилаётган объектга бошқарув субъекти томонидан амалга ошириладиган мақсадли таъсир воситалари, йўлларидир.
ГЕНЕТИК ПСИХОЛОГИЯ - Ж.Пиаже ва унинг ўқувчилари томонидан ишлаб чиқилган таълимот бўлиб, у инсон интелектининг келиб чиқиши ва айниқса ёшликдаги ривожланишини ўрганган.
ГЕШТАЛЬТПСИХОЛОГИЯ - (немисча сўздан олинган бўлиб, бир бутун шакл, образ, структура деган маънони англатади). Бу чет эл психологиясининг энг катта йўналишларидан бири бўлиб, XX асрнинг биринчи ярмида Германияда пайдо бўлган. Гештальтпсихологиянинг марказий муаммоси мураккаб психик ҳодисаларни бир бутун ёндашув асосида анализ орқали ўрганишдир.
ДИАЛОГ - ўқув мавзуси ёки муаммони гуруҳ шароитида ўқитувчи билан биргаликда ва ҳамкорликда муҳокама қилиш йўлидир.
ДИФФЕРЕНЦИАЛ ПСИХОЛОГИЯ – (лот. differentia - фарқ) – индивидлар ва инсонлар гуруҳлари ўртасидаги психик фарқларни, ва бу фарқларнинг сабаблари ҳамда оқибатларини ўрганадиган психологиянинг соҳаси.
ДУНЁҚАРАШ - шахснинг шахслигини (индивид эмас), унинг маънавиятини, ижтимоийлашуви даражасини кўрсатувчи кучли мотивлардандир. Шунинг учун ҳам унинг шаклланиши ва ўзгариши масаласи муҳим масалалардан бўлиб, ҳамма вақт ва даврларда ҳам ўта долзарб бўлиб келган.