Республика Узбекистан

2. Технологик ҚИСМ
2.1. Бойитишга тайёрлашнинг технологик схемани танлаш ва асослаш

Руда бир босқичли майдалаш схемасида очиқ циклда майдаланади, унинг мустаҳкамлиги Протодьяконов шкаласи бўйича 12-14 га тенг. Руда очиқ ва ер ости усулда қазиб олинган кондан автосамосвалларда ташиб келиниб, майдалагичнинг қабул қилиш бункерига тўкади. Майдалаш жараёни бир босқичда ўтказилгани учун С-110 маркали жағли майдалагични танлаш мақсадга мувофиқ бўлади. Майдаланган маҳсулот пластинкали таъминлагич ёрдамида горизонтал лентали конвейерга, ундан эса конвейер орқали майдаланган руда омборига тушади. Йирик майдаланган руда омборидан лентали конвейерлар орқали янчишга юборилади.

Рудани янчиш жараёни икки босқичда амалга оширилади. Биринчи босқич янчиш ўзи янчар тегирмонларда амалга оширилади. Маҳсулот узиянчар тегирмонга титрама таъминлагич орқали берилади. Биринчи босқич янчиш жараёнидан олинган маҳсулот спиралли таснифлагич 2КСП-24 га юборилади. Таснифлагичнинг қуми иккинчи босқич янчиш жараёнига, слив эса гидроуиклонга юборилади. Гидроциклоннинг қуми элашга юборилиб, +2мм ва -2мм ли синфга ажратилади. +2мм синфдаги маҳсулот иккинчи босқич янчиш жараёнига, -2мм синфдаги маҳсулот эса руда таркибидаги катта ўлчамдаги олтин зарраларини ушлаб қолиш мақсадида гравитация усулида бойитишга юборилади. (Гравитация бойитмасининг чиқиши жуда кам бўлганлигини ҳисобга олиб, бу масса янчиш схемасини ҳисоблашда ва ускуналарни танлашда таъсир этмаслигини эслатиб ўтамиз).
Гравитацион бойитишнинг чиқиндиси иккинчи босқичда янчилиб, цианлашга ва сўнгра сорбциялашга юборилади.
Иккинчи босқич янчиш жараёнида таснифловчи ускуна сифатида гидроциклон қўлланилди. Таснифлаш натижасида олинган слив қуюлтиришга қум эса элаш жараёнига юборилади.
Иккинчи босқич янчиш жараёнида янчилган маҳсулотни марказдан бўшатувчи шарли тегирмон қўлланилди. Иккинчи босқич янчиш жараёнидан олинган янчилган маҳсулот гидроциклонга юборилади. Тегирмонни руда ва шар билан тўлдирилишининг оптимал қиймати барабан ҳажмининг 40-45 % ини ташкил қилади. Тегирмоннинг иш унумдорлигини ошириш мақсадида ҳар хил ўлчамдаги пўлат шарлардан фойдаланилади.