Respublika ta’lim markazi umumiy o‘rta ta’limning davlat ta’lim standarti va o‘quv dasturi

O‘quvchilar sinfda va mustaqil o‘qishlari, yod olishlari lozim bo‘lgan asarlar:
Asqad Muxtor. She’rlar.
Mirmuhsin. “Me’mor” romanidan parcha.
O‘lmas Umarbekov. “Qiyomat qarz” hikoyasi.
Chingiz Aytmatov. “Oq kema” qissasi.

3. 
   O‘tmishdan sadolar
   

(12 soat, A2+: 10 soat)


19-21-mavzu. “Ravshan” dostoni. (3 soat, A2+: 5 soat)
Ishqiy-sarguzasht dostonlarning o‘zbek xalq dostonchiligida katta o‘rin tutishi. Bu xil dostonlarda ishqiy mojarolarning asosiy mavzu ekanligi. “Go‘ro‘g‘li” turkumidagi ishqiy-sarguzasht dostonlar va mazkur turkumda “Ravshan” asarining tutgan o‘rni.
Doston voqealarining turkiy xalqlar dostonchiligida keng tarqalgan motiv ekanligi. Dostonning bizgacha yetib kelishida Ergash Jumanbulbulning xizmati. Dostondagi Go‘ro‘g‘li, Yunus pari, Avazxon, Ravshan, Zulxumor, aka-ukalar obrazlarining tahlili.
Nazariy ma’lumot. Badiiy obraz va mubolag‘ali tasvir.
22-24-mavzu. Alisher Navoiy. “Mehr va Suhayl”. (3 soat, A2+: 5 soat)
Alisher Navoiyning hayoti va ijodi haqida qisqacha ma’lumot. “Sab’ai sayyor” dostoni haqida. “Sab’ai sayyor” dostonida beshinchi iqlim yo‘lidan kelgan musofirning Mehr va Suhayl haqidagi hikoyasi. Hikoyada sadoqat, mardlik-tantilik kabi insoniy tuyg‘ular ifodasi.
Obrazlar tahlili. Mehr va Suhaylning o‘ziga xos sifatlari.
Nazariy ma’lumot. She’riy san’atlar (Tashbih, tanosub ) haqida.


O‘quvchilarda shakllangan fanga oid kompetensiya elementlari:


Adabiy-nutqiy kompetensiyalar (tinglab tushunish, fikrni og‘zaki bayon qilish, o‘qish, fikrni yozma bayon qilish):
A2
o‘rganilgan asarlar asosida yaratilgan audiomatn va videotasvirlarni tinglab, ko‘rib tushuna oladi;
nasriy va she’riy asarlarni ifodali o‘qiy oladi;
ularning mazmun-mohiyatini tushuna oladi;
asar qahramonlariga tavsif, insho yoza oladi.
A2+
adabiy til me’yorlariga rioya qilgan holda turli mavzularda taassurot, referat va ijodiy matn yoza oladi.