Respublika ta’lim markazi umumiy o‘rta ta’limning davlat ta’lim standarti va o‘quv dasturi

A2+
badiiy asarlarda aks etgan insoniy fazilatlar, yuksak badiiyat namunalarini anglay olish, his etish.


Milliy va umummadaniy kompetensiya:
A2
badiiy adabiyot va san’atda aks etgan vatanparvarlik, insonparvarlik g‘oyalarini, umuminsoniy va milliy qadriyatlar tasvirini anglash, ulardagi go‘zallik va ezgulikdan o‘rnak olishga intilish, yovuzlik va xunuklikdan nafratlana olish.
A2+
badiiy asarlarda aks etgan tarixiy, ma’naviy va madaniy hodisalar mohiyatini to‘g‘ri tushunish va talqin qila olish.


Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:
A2
aniq hisob-kitoblarga asoslangan holda shaxsiy, oilaviy, kasbiy va iqtisodiy rejalarini tuza olish;
kundalik faoliyatda turli formula, model, chizma, grafik va diagrammalarni o‘qiy olish va undan foydalana olish.
A2+
inson mehnatini yengillashtiradigan, fan va texnika yangiliklaridan xabardor bo‘la olish hamda ulardan foydalana olish.


1-mavzu. Kirish. (1 soat)
Davr, ijodkor va adabiyot. Adabiyotda muayyan millat hayotiga daxldor jihatlarning aks ettirilishi. Muayyan davrga xos xususiyatlarning badiiy asarlarda tasvirlanishi. Badiiy adabiyotda zamondosh obrazining ifodalanishi. Adabiyotning ijtimoiy muammolarga hamohangligi va umrboqiyligi o‘rtasidagi aloqa. Badiiy adabiyot adabiy til shakllanishidagi asosiy vosita sifatida.

1. 
   Xalq og‘zaki ijodi
   

(5 soat, A2+: 1 soat))


2-6-mavzu. “Kuntug‘mish” dostoni. (5 soat, A2+: 6 soat))
Xalq dostonlarining millat ruhiyatini aks ettirishdagi o‘rni. Ularning turlari (1 soat)
“Kuntug‘mish” ishqiy-sarguzasht dostonlarning namunasi sifatida. Asar syujetining sarguzashtlarga boyligi. Qahramonlar taqdirini belgilovchi hodisalarning maishiy turmushga yaqinligi. Kuntug‘mish obrazi. Unga xos jo‘mardlik, tantilik, jasurlik va ayni vaqtda soddalik sifatlari. Kuntug‘mish tabiatidagi samimiyat va ishonuvchanlik xislatlari. Xolbekada o‘zbek qizlariga xos go‘zallik, o‘ktamlik, erkalik, shaddodlik, mayinlik va mehribonlik sifatlarining namoyon bo‘lishi. Dostonda ayollarga xos shubhaga berilish, injiqlik, sinchkovlik sifatlarining ishonarli tasvirlanganligi (2 soat).
Dostondagi Gurkiboy va Mohiboy obrazlarining tasviri. Gurkiboyga xos bosiqlik, mehribonlik, mulohazakorlik hamda Mohiboyning quv, tajang, qaytmas yigitcha ekanligi. Dostondagi boshqa obrazlar tasviri (1 soat).
Dostonning badiiy xususiyatlari. Nazariy ma’lumot. Doston (1soat).