Respublika ta’lim markazi umumiy o‘rta ta’limning davlat ta’lim standarti va o‘quv dasturi

Nazorat ishi: Insho va uning tahlili. (2 soat, A2+: 3 soat)
Takrorlash: (1 soat)
Nazorat ishi: Test topshiriqlari asosida. (1 soat)
Sinfdan tashqari o‘qilgan asarlar muhokamasi: (1 soat, A2+: 2 soat)


O‘quvchilar sinfda va mustaqil o‘qishlari, yod olishlari lozim bo‘lgan asarlar:
G‘afur G‘ulom. “Shum bola” qissasi.
Turob To‘la. “Yetti zog‘ora” qissasi.
X.To‘xtaboev. “Sariq devni minib” romani.
Janni Rodari. “Hurishni eplolmagan kuchukcha” asari.

2. 
   Kechagi kun saboqlari
   

(14 soat, A2+:6 soat)


14-15-mavzu. Muqimiy. “Tanobchilar” asari. (2 soat)
Muqimiyning hayoti va ijodi haqida qisqacha ma’lumot.
Muqimiyning “Tanobchilar” hajviyasida foydaxo‘r, imonsiz va yolg‘onchi kimsalarning tasvir etilishi. Hajv qahramonlari Sulton Ali va Hakimjon o‘rtasidagi munosabatlar tufayli tug‘iladigan hajviy kulgining kuchi. Muqimiy asarlarining xalqchilligi, soddaligi va ta’sirchanligi.
Hajviya haqida tushuncha.
16-17-mavzu. Abdulla Qahhor. “Bemor”. (2 soat)
Adib hayoti va ijodi haqida qisqacha annotatsia.
Hikoyachilikda Abdulla Qahhor badiiy mahoratining namoyon bo‘lishi. “Bemor” asarining adib hikoyachiligida tutgan o‘rni. Uning badiiy xususiyatlari. Hikoya ohangi. Asardagi Sotiboldi, bemor va qizcha obrazlari.
“Bemor” ilojsizlik, qashshoqlik insonni qanchalar xo‘rlashi mumkinligini badiiy ifodalagan asar sifatida. Bemor obrazida mehribon onaga xos xususiyatlarning ta’sirli aks ettirilganligi.
18-19-mavzu. Odil Yoqubov. “Muzqaymoq” hikoyasi. (2 soat)
Adib hayoti va ijodi haqida qisqacha annotatsia.
“Muzqaymoq” hikoyasida yolg‘on e’tiqod tufayli bola ruhiyatida ro‘y bergan ma’naviy o‘zgarishlarning haqqoniy aks ettirilganligi. Noto‘g‘ri e’tiqod, ko‘r-ko‘rona siyosiy aqidaparastlik, do‘stdan dushman, halol odamdan tuhmatchi yasashi mumkinligining hikoyada ishonarli tasvir etilganligi. Hikoyachi xotirasida chuqur iz qoldirgan bolalik davri fojialarining ko‘rsatilishi. Bolaning nog‘oralar marshini eshitgandagi holatining mahorat bilan ko‘rsatilganligi. Hikoyada odam tuyg‘ularini biryoqlama tushunish va tushuntirish mumkin emasligining aks etganligi.