Respublika ta’lim markazi umumiy o‘rta ta’limning davlat ta’lim standarti va o‘quv dasturi

Hamza Hakimzoda Niyoziy. She’rlar. (A2+: 2 soat)
Shoir haqida qisqacha ma’lumot. Shoir she’rlarida yolg‘on bilan rost o‘rtasidagi farqning ko‘rsatilishi. Yolg‘onchi albatta o‘z jazosini olishi muqarrarligi tasviri. “Mevalar mojarosi” she’rida kibrning ramziy timsollarda ifodalanishi.
Nazorat ishi: Insho va uning tahlili. (2 soat)
O‘quvchilar sinfda va mustaqil o‘qishlari, yod olishlari lozim bo‘lgan asarlar:
Abdulla Qodiriy. Hikoyalar.
Oybek. “Bolalik xotiralarim” qissasi.
Mirkarim Osim.“Zulmat ichra nur” qissasi.
O‘tkir Hoshimov. “Dunyoning ishlari” asari.
Herman Hesse. Hikoyalar.
Daniel Defo. “Robinzon Kruzo” asari.

4. 
   Mumtoz adabiyot bo‘stoni
   

(12 soat, A2+: 5 soat)


49-53-mavzu. Alisher Navoiy. “Hayrat ul-abror” dostoni. (5 soat, A2+:6 soat).
Alisher Navoiyning hayoti va ijodi haqida qisqacha annotatsia.
“Hayrat ul-abror” dostonidan olingan “O‘ninchi maqolot”da to‘g‘rilikning qanchalar azob bilan bo‘lsa-da, g‘olib kelishi, yolg‘on va egrilikning oxir-oqibat yengilishining tasvirlanishi (2 soat).
Buning Sher bilan Durroj qismati misolida aks ettirilgani. “Sher bilan Durroj” asari matnining o‘quvchilar tomonidan o‘qilishini ta’minlash (2 soat)
Hikoyatlarning ramziy ma’nosi. Inson ma’naviy qiyofasini aks ettiruvchi hikoyatlarning badiiy va axloqiy xususiyatlari (1 soat).
54-57-mavzu. Bobur. Ruboiylar. (4 soat , A2+: 5 soat)
Boburning hayoti va ijodi haqida qisqacha annotatsia.
Bobur – ruboiynavis. Shoirning “Har kimki vafo qilsa...”, “Kim yor anga ilm tolibi...”, “Ko‘pdin berikim...”, “Tole yo‘qi jonimg‘a...” ruboiylariga xos xususiyatlar. Ruboiylarda muallif hayoti, shaxsiyati, kechinmalari, orzulari, armonlari va ularning betakror tarzda tasvir etilgani. Ruboiylarda shoirga xos samimiyat va rostgo‘ylikning aks etishi (2 soat).
Shoirning “Ko‘rdum”, “Kishi” radifli ruboiylarida hayot haqiqatining aks etishi. “Ko‘ngli tilagan murodig‘a...”, “Tole yo‘qi...” va boshqa ruboiylarida Bobur tarjimai holiga doir unsurlarning yaqqol namoyon bo‘lishi (2 soat).