Respublika ta’lim markazi umumiy o‘rta ta’limning davlat ta’lim standarti va o‘quv dasturi

Badiiy asarni tahlil qilish kompetensiyasi:
A2
xalq og‘zaki ijodi, mumtoz, zamonaviy va jahon adabiyotidan berilgan asarlarni farqlay oladi.
A2+
o‘rganilgan asarlarda tasvirlangan voqea-hodisalar, qahramonlarning fazilat va nuqsonlarini o‘qituvchi yordamida izohlab bera oladi.


Nazorat ishi. Insho va tahlil. (2 soat, A2+: 3 soat)
Takrorlash: (1 soat)
Nazorat ishi: Test topshiriqlari asosida. (1 soat)
Sinfdan tashqari o‘qilgan asarlar muhokamasi: (1 soat, A2+: 2 soat)


38-41-mavzu. O‘tkir Hoshimov. “Dunyoning ishlari” qissasi. (4 soat, A2+: 6 soat)
O‘tkir Hoshimovning hayoti va ijodi haqida qisqacha annotatsia.
“Dunyoning ishlari” qissasidan olingan boblarda ona, o‘g‘il va boshqa obrazlarning jonli tasvir etilgani. Qissaning “Alla”, “Iltijo” boblarida insonning Ona oldidagi farzandlik burchining, hech qachon to‘lab bo‘lmas qarzning ta’sirchan ifodalangani. Onani qo‘msash, uni sog‘inish, uning hech kim bilan almashtirib bo‘lmaydigan mehri oldida qarzdorlik tuyg‘usining ifodalanishi (2 soat).
“Oq, oydin kechalar”, “Tush”, “Gilam paypoq” fasllarida Ona qalbidagi cheksiz mehr-muhabbat tuyg‘usining samimiy ifodasi. Asarning badiiy xususiyatlari (2 soat).
42-44-mavzu. Herman Hessening “Oy shu’lasi (Bo‘ri)” hikoyasi. (3 soat)
Yozuvchi haqida qisqacha ma’lumot.
Uning “Oy shu’lasida” hikoyasida qishloq odamlarining o‘z ovullariga oralagan bo‘riga qarshi kurashganlarining tasvirlanishi. Asarning tabiat va inson o‘rtasidagi yo‘qolib borayotgan muvozanat haqida fikrlashga undashi.
45-48-mavzu. Daniel Defo. “Robinzon Kruzo” asaridan parcha. (4 soat, A2+: 6 soat)
Adib haqida qisqacha ma’lumot. Asardan olingan parchada qiziqarli sayohat voqealari har doim ham ko‘ngilli tugamasligi, lekin insonning matonati har qanday tashvishni yengib o‘tishining ishonarli tasvirlanganligi (2 soat).
Asar qahramonining o‘ziga xos insoniy sifatlari, bukilmas irodasi, yashashga nisbatan ishonchining so‘nmasligi. Asarning badiiy xususiyatlari (2 soat).