Respublika ta’lim markazi umumiy o‘rta ta’limning davlat ta’lim standarti va o‘quv dasturi

Mavzu. Nutq sur’ati va ritmi. So‘z urg‘usi. Mantiqiy urg‘u. (2 soat)
Nutq sur’atining mazmun bilan aloqadorligi. Urg‘u ifodali o‘qishning asosiy vositalaridan ekanligi. O‘zbek tilida urg‘uning vazifasi ancha kengayganligi. Uning ma’noni farqlashdagi, kuchaytirishdagi ahamiyati. So‘z urg‘usi va mantiqiy urg‘u, ularning farqi. “Ota o‘giti” (Anvar Obidjon), “Mulla Muhammad Rajabbek va Anvar” (Abdulla Qodiriy), “Gapning joni” (Tolib Yo‘ldosh).
Mavzu. Nutq va tovush rang-barangligi (tembr). (1 soat)
Turli ma’no nozikliklarining tovush rang-barangligi orqali aks etishining ahamiyati.
Badiiy asarlarni ifodali o‘qish. “Ot bilan it”. (I.A.Krilov), “Binafsha” (Zafar Diyor), ”Ona duosi” (Yo‘ldosh Eshbek).
Mavzu. Tez aytishlar. Ularning o‘qilishi va aytilishi. (1 soat)
Tez aytishlarni ifodali o‘qish o‘quvchi nitqini rivojlantirish va lug‘at boyligini oshirish omili ekanligi.
Mavzu. Nasriy asarlarni ifodali o‘qish. Maqol va rivoyatlarni ifodali o‘qish. (2 soat)
Ifodali o‘qishning nasriy matnlarni chuqurroq tushunish, ma’nolarni teran anglash va badiiy zavq olish vositasi ekanligi. (O‘zbek xalq maqollari. Maqollarning tuzilishi, tarkibi, mavzu doirasi.) “Navoiy bilan cho‘pon.”
Takrorlash: (1 soat).
Ifodali o‘qish mashqi: (1 soat)
Mavzu. Topishmoqlarni ifodali o‘qish. (1 soat)
Bolalar uchun topishmoqlar. “Adabiy topishmoq” (Abdurahmon Akbar).
Mavzu. “Husniyabonu”, “Podshoh va to‘ti”, “Qizil shapkacha” ertaklarini ifodali o‘qish. (2 soat)
Ertaklarni ifodali o‘qish o‘quvchining dunyoqarashi, olam, tabiat haqidagi tasavvurlarini kengaytirish vositasi ekanligi.
Mavzu. Notanish matn bilan tanishish, uni ifodali o‘qish yo‘llari. (1 soat)
“Dunyoda nima lazzatli”; “Hunarmand” (Obid Rasul).
Mavzu. Badiiy matn va uning turlarini ifodali o‘qish. (2 soat)
”Hovlim” (Hamidulla Yoqubov), “Qish ham chiroyli” (Quddus Muhammadiy), “Haqiqat” (Usmon Qo‘chqor) asarlari asosida ifodali o‘qish ustida ishlash.