Respublika ma’naviyat va ma’rifat markazi Vobkent tuman bo’linmasi tomonidan o’tkazilayotgan “Quvnoqlar va zukkolar” ko‘rik tanlovining

Respublika ma’naviyat va ma’rifat markazi Vobkent tuman bo’linmasi tomonidan o’tkazilayotgan “Quvnoqlar va zukkolar” ko‘rik tanlovining
“Azizbek ligasi”
M A Q S A D I
Vobkent tuman hokimining tashabbusi bilan tashkil etilgan QVZ musobaqasi.
Respublika ma’naviyat va ma’rifat markazi Vobkent tuman bo’linmasi, Vobkent tuman Xalq ta’limi Vobkent tuman Ma’daniyat bo’limi tomonidan tashkil etilayotgan QVZ “Azizbek ligasi”

Umumiy o’rta ta’lim maktablari, tumandagi kollejlar, xususiy maktablar, kasb hunar maktablarida tahsil olayotgan o’quvchi yoshlarni Vatanga sadoqatli, shukronalik ruhida tarbiyalash, ularning bo’sh vaqtlaridan mazmunli foydalanishga hamda o‘z iste’dod va iqtidorlarini sahnada namoyon qilishga, qolaversa 5 muhim tashabbusning 1-yo’nalishi san’atning barcha turlariga qiziqishlarini uyg’otish maqsadida;

Yoshlarni ma’naviy saviyasini yuksaltirish, ularni har xil zararli oqim va guruhlarni ta’siridan saqlash, yoshlarning qiziqishlaridan kelib chiqib dasturlar tayyorlash va ushbu dasturlarni keng yoshlar ommasi o‘rtasida targ‘ib qilish;
Umumiy o’rta ta’lim maktablarida tahsil olayotgan o’quvchi yoshlari hayotida uchrab turadigan muammolar, kamchilik va nuqsonlarni yumoristik va satirik janrlar orqali ko‘rsatib berish;
Umumiy o’rta talim maktablarida tahsil olayotgan o’quvchi yoshlarning maroqli dam olishlari uchun qiziqarli dasturlar bilan chiqishlar qilib, bo‘sh vaqtlarini ko‘ngilli o‘tishi va ularni intiluvchan, izlanuvchan qilib tarbiyalashga hissa qo‘shish.
Umumiy qoidalar
Umumiy o’rta ta’lim maktablari, tumandagi kollejlar, xususiy maktablar, kasb hunar maktablari QVZ jamoalari tarkibi 7-11 sinf o’quvchilaridan saralab olinadi va har bir maktab jamoasi maktab atrofidagi uyushmagan yoshlarni jalb etishlari mumkin
Vobkent tumani hududida “Quvnoqlar va zukkolar” ko‘rik tanlovining barcha tadbirlarini tashkillashtirish bilan tuman Xalq ta’limi bo’limi shug‘ullanadi. QVZ tadbirlar va o‘yinlarni o‘tkazishni ta’minlash uchun Tashkiliy qo‘mita qarori bilan Ishchi guruh tuziladi. Guruh tarkibiga shu mavsumda o‘ynaydigan jamoalar a’zolari kirishi mumkin emas. Shu tarkibdagi ishchi guruhlar joylarda tashkil etilishi mumkin. “QVZ” jamoa sardorlari o’yin boshlanishidan avval jamoa ssenariylarini tahririyatdan o’tqazadilar.
O‘yinda qatnashish tartibi qur’a tashlash yo‘li bilan aniqlanadi.
Respublika ma’naviyat va ma’rifat markazi Vobkent tuman bo’linmasi tomonidan o’tkazilayotgan “Quvnoqlar va zukkolar” ko‘rik tanlovining
N I Z O M I

1 – shart	Tanishtiruv sharti: Bu shartda jamoalar o’zlarini tanishtirishlari kerak bo’ladi. Maktab davrining qiziq va esda qolarli paytlari hamda o’quvchilar hayotidagi kamchilik va muammolarni hazil mutoyibaga yumorga o’rab olib chiqishlari talab qilinadi. Quvnoqlik va zukkolik o’quvchilarning diqqat markazida bo’lishi shart. Shart nomi: Salom shodlik, salom… !!! deb nomlangan	Vaqt: 6 daqiqa Ball: 5 ballik me’zonda Qo’pol va bachkana hazillar uchun 0,1 dan-0,5 ballgacha jarima bali beriladi. O’g’irlangan hazillar uchun 0,5 b jarima beriladi. Ortiqcha sarflangan har bir daqiqa hamda tahrirdan otmagan hazil uchun 0,1 jarima ball beriladi.
2 – shart	Savol-javob sharti: Bu shartda har bir jamoa hakamlar tahriridan o’tgan savollardan bittasini qolgan jamoalarga o’qib eshittiradilar. Qolgan jamoalar bir daqiqa ichida ushbu savolga qiziqarli javob berishlari kerak bo’ladi. Savollarni o’qish ketma-ketligi qur’a tashlash yo’li bilan aniqlanadi. Barcha savollar: “Trentga chiqqan so’zlar ” jumlasi bilan boshlanishi lozim.	O’ylash uchun 1 daqiqa vaqt Ball: 6 ballik tizimda Qo’pol va bachkana hazillar uchun 0,1 dan - 0,5 gacha jarima bali beriladi.
3 – shart	Musiqali chiqish sharti: Bu shartda jamoalar o’quvchilikning eng qiziq, eng esda qolarli paytlarini kulgili musiqiy chiqishlari bilan ko’rsatib berishlari kerak. Ozbek shou biznesi vakillarining ijodkorlariga, ijodkorning shaxsiyatiga tegmagan holatda hazil -mutoyiba qilishlari mumkin. Shart nomi: “Yangi O’zbekistonda yangi gap”	Vaqt: 8 daqiqa Ball: 6 ballik me’zonda Kliplar kolleksyasi qo’yilmaydi, qo’pol va bachkana hazillar uchun 0,1dan 0,5 gacha jarima balli beriladi. O’g’irlangan hazillar uchun 0,5 jarima balli beriladi. Ortiqcha sarflangan har bir daqiqa hamda tahrirdan o’tmagan hazil uchun 0,1 jarima bali beriladi.

Esda tuting: Jamoa a’zolarining kiyimlari sahna madaniyatiga mos bo’lishi lozim. Qizlar kalta hamda tor kiyimda chiqishlari, yigitlar soqoli bilan chiqishlari qat’iyan man etiladi. Sahnada to’g’ridan-to’g’ri hakamlar tahriridan o’tmagan hazillarni ishlatish mumkin emas. QVZ saralash bosqichi bo’lishidan bir kun oldin jamoalar hakamlar hay’atiga ssenariylarini taqdim etishlari lozim. Hududiy bosqichlarda savol javob sharti bo’lmaydi.


Barcha Jamoalar Diqqatiga!!!
Tayyorgarlik Faqat Darsdan So’ng Bo’ladi! Dars vaqtida darsdan ruxsat olib tayyorlanish ta’qiqlanadi!!!