Respublika maktabgacha ta’lim metodikasi kabinetining tuzilishi va vazifalari Reja

Respublika maktabgacha ta’lim metodikasi kabinetining tuzilishi va vazifalari


Reja:

1. 
   Maktabagacha ta’lim bo`yicha metodik ishlarni tashkil qilish
   
2. 
   Kabinet kutubxonasi va ishlar
   

.
Asosiy o’quv materiali qisqacha bayoni. Respublikada maktabgacha ta’limga uslubiy rahbarlik O’zbekiston Respublikasi Maktabgacha ta’limi vazirligi qoshida tashkil etilgan Respublika maktabgacha ta’lim metodikasi kabineti orqali amalga oshiriladi.
Metodika kabineti maktabgacha ta’limi vazirligi tomonidan tasdiqlangan reja asosida ish yuritadi. Uning tashkiliy tuzilishi quyidagicha:
Respublika maktabgacha ta’lim metodikasi kabineti Koraqalpog’iston Respublikasi, viloyatlar, shahar va tuman metodika kabineti faoliyatini nazorat qiladi hamda ularga uslubiy yordam beradi.
Uning asosiy vazifalari: Maktabgacha ta’limi bo’limlari qoshidagi metodika kabinetlari faoliyatini nazorat qilish, tarbiyachilar va Maktabgacha ta’limi xodimlarining kasb mahorati va malakasini oshirish, ilg’or ish tajribalarini o’rganish, umumlashtirish va ommalashtirishdan iborat. Respublika maktabgacha ta’lim metodikasi kabineti. O’zbekiston Respublikasi maktabgacha ta’limi vazirligi huzurida gashkil etilib, mazkur soha bo’yicha yetakchi tuzilma sifatida barcha maktabgacha ta’lim muassasalari faoliyatini uslubiy jihatdan boshqaradi va muvofiqlashtirib boradi.
Respublika maktabgacha ta’lim metodikasi kabineti o’z faoliyatida amaldagi qonunchilik, maktabgacha ta’limi vazirligi tomonidan chiqarilgan qarorlar, farmoyishlar va boshqa me’yoriy hujjatlarga asoslanib ish yuritadi.
Respublika maktabgacha ta’lim metodikasi kabineti Qori Niyoziy nomidagi O’zbekiston Pedagogika fanlari ilmiy-tadqiqot instituti, Abdulla Avloniy nomidagi Maktabgacha ta’limi xodimlarini qayta tayyorlash va malakasini oshirish markaziy instituti, Maktabgacha muassasalar xodimlarini qayta tayyorlash va malakasini oshirish Respublika o’quv-metodika markazi, Viloyat pedagog kadrlarni qayta tayyorlash va malakasini oshirish instituti va boshqa ilmiy muassasalar bilan mustahkam hamkorlik aloqalarini o’rnatadi.
Respublika maktabgacha ta’lim metodikasi kabinetining asosiy vazifalari quyidagilardan iborat:

• 
  Qoraqalpog’iston Respublikasi, viloyatlar, shahar va tumanlar maktabgacha ta’lim metodikasi kabinetlariga uslubiy yordam ko’rsatish, pedagogik jarayonlar va ta’lim-tarbiya ishlarini takomillashtirish, «Ilk qadam» dasturini to’liq bajarilishini ta’minlaydi;
  

ilg’or ish tajribalarni o’rganadi, umumlashtiradi va ommalashtiradi (maktabgacha ta’lim muassasalari xodimlari, maktabgacha ta’lim metodikasi kabinetlari, nazoratchi-uslubchi, mudiralar, uslubchilar va tarbiyachilar, murabbiylar faoliyatini taxlil etish asosida);
— ilg’or pedagogik tajribalarni, pedagogika, psixologiya va boshqa ijtimoiy-gumanitar fanlar sohasida qo’lga kiritilgan yutuqlar, xalq pedagogikasi an’analariga tayangan holda maktabgacha yoshdagi bolalarga ta’lim-
tarbiya berish ishlarini takomillashtirishning ilmiy-uslubiy asoslari, yo’l-yo’riqlarini ishlab chiqadi.