Respublika bolalar kutubxonasi Ilmiy-uslubiyot va maktab armlari mutaxassislarini malakasini oshirish bo‘limi

Amir Temur:
Bizkim, mulki Turon, amiri Turkistonmiz,
Bizkim, millatlarning eng ulug‘ va buyugi,
turkning bosh bo‘g‘inimiz.
Alisher Navoiy:
Men o‘lmasmen, to turki bedor erur,
Bu til birla turk nazmi bunyod erur.


Bobur:
Charxning men ko‘rmagan jabru jafosi qoldimu?
Hasta ko‘nglum chekmagan dardu balosi qoldimu?


Uvaysiy:
Mehnatu alamlarga mubtalo Uvaysiyman,
Qayda dard eli bo‘lsa, oshno Uvaysiyman.


Nodira:
Ey, Nodira, dahrni imtihon etib ket,
Kel, bu chamanni gulzor etib ket.

«Allomalar» mashhur satrlari bilan o‘zlarini tanishtirgach, sohibqiron «bobomiz» so‘z oladilar:

Aziz bolajonlarim, mening suyukli nabiralarim! Navro‘z ayyomi bahona siz bizlarni yod etdingiz, ko‘nglimizni shod etdingiz. O‘zbekiston diyorida mustaqillik boshlagan kundan e’tiboran har bir tadbiringizda, har bir majlis-u yig‘inlaringizda meni, yonimdagi nabiralarimni, ko‘plab ahli donishlarni yaxshi so‘zlar bilan eslab, yaxshi amallar bilan yo‘qlaysizlar. Biz – o‘tib ketgan ajdodlaringiz Yo‘lboshchingiz sa’y- rahnamoligida barchangizni doimo duo qilurmiz!

Hammalari ta’zim ila borib, tomoshabinlar qatoridan joy oiadilar.
Olti o‘quvchi qizchalar ijrosida «Yomg‘iryog‘aloq» qo‘shig‘i raqsi bilan ijro etiladi.


1-boshlovchi: Hozir yurtimizning tabiat go‘zalligi yanada chiroy ochgan payt.


2-boshlovchi: Hozir Navro‘z dalalarga, qir-adirlarga, yaylovlarga o‘zgacha go‘zallik, o‘zgacha tarovat baxsh etgan payt.


1-boshlovchi: Mana, barchamizning egnimizda bahoriy liboslar, kayfiyatimiz-xush, ko‘rganning ko‘zi quvnaydi. Ana shunday tabassum, nazokat, nafosat har damda hammamizga, hammangizga yor bo‘lsin!

2. 
   boshlovchi: Navro‘zi olam muborak, aziz do‘stlar! Bayram tadbirlarimiz har go‘shada, har ko‘ngilda davom etaversin.
   

Sho‘x musiqa yangrab, bahoriy kayfiyat ila barcha raqsga tushadi.


Foydalanilgan adabiyotlar ro‘yhati

1. I.Karimov Demokratik islohotlarni yanada chuqurlashtirish va fuqorolik jamiyatini shakllantirish – mamlakatimiz taraqqiyotining asosiy mezonidir. 18-tom. O‘zbekiston, 2010.

2. I.Karimov Demokratik islohotlarni yanada chuqurlashtirish va fuqorolik jamiyatini shakllantirish – mamlakatimiz taraqqiyotining asosiy mezonidir. 19-tom. O‘zbekiston, 2011.

3. Muhammad Yusuf. Ulug‘imsan, vatanim. O‘zbekiston, 2012.

4. Boshlang‘ich ta’lim. 3-son. 2007

5. Boshlang‘ich ta’lim. 3-son. 2009