Республика болалар ижтимоий мослашуви маркази

«Исмлар – фазилатлар»

Бу ўйин гуруҳ иштирокчиларининг кайфиятини кўтариш, иштирокчилар ўзларини эркин ҳис қилишлари учун ташкил қилинади.
Ҳар бир иштирокчи бирон-бир исмнинг биринчи ҳарфи билан бошланадиган шахснинг ижобий характер хусусияти, киши фазилати номини айтиш лозим (Масалан, Рустам- ростгўйлик, Мурод — мардлик ва ҳоказо).

“Яқинлашув”

Мақсад: Мулоқотчанлик малакаларини шакллантириш; гуруҳни жипслаштириш. Барча иштирокчилар залда югурадилар ва тренернинг сигналига кўра, иккита ёки учтадан бўлиб гуруҳга бирлашадилар.
Сарфланадиган вақт 15 дақиқа.

“Муомалани ишончли муносабатлари”

Мақсад: Гуруҳ ичида ўзаро ишончли муносабатларни ўрнатишнинг бирдан-бир йўли “Сен” сўзи билан мурожаат қилишидадир. Агар “Сиз” сўзи маъқул келса гуруҳ қатнашчиларининг розилиги бўйича мурожаат қилишлари ихтиёрийдир, бинобарин қатнашувчилар тенг ҳуқуқлидир.

“Навбат”

Машқ мақсади: Ўқувчиларда бевосита коммуникатив хулқ-атвор шаклларини ривожлантириш. Гуруҳдан 8 киши танлаб олинади, уларнинг бири бошловчи 7 киши дўкондагидек кетма-кет навбатда туради 8 киши дўконга навбатсиз киради. У мақсадига эришиши учун ҳар бир иштирокчи билан гаплашади. Навбатда турганлар уни харид қилишга қўймасликлари зарур. Бу вазият ўйналаётганда гуруҳдан бошқа аъзолари кузатувчи бўладилар, кейин умумий муҳокама ўтказилади. Навбатда турганларнинг ким “зўравонни” ўтказиб юборди, ким ўтишига йўл қўймади, қандай воситалар қўлланилгани (илтимос, қўрқитиш, зўрлик) муҳокома қилади.

“Ролли ўйинлар баҳоси”

Мақсад: мулоқотчанлик установкаларини шакллантириш; ўз ҳолатини бошқариш кўникмаларини таркиб топтириш.
Иштирокчилар уч гуруҳга бўлиниб: 1. Мен доимо сенга ачинаман. Ушбу ҳисдан қандай қутилсам экан? 2. Ўзимдан ўзим нафратланаман. Нима қилсам экан? 3. Менда кўпинча, айниқса, ҳозир тушкунлик ҳолати ҳукмронлик қилади. Уни қандай ўзгартирсам экан? – деган саволларга жавоб излайдилар. Сўнг гуруҳий мушоҳада давом этади. Сарфланадиган вақт 30 дақиқа.