Reproduktiv salomatlik

 

---

www.pedagoglar.uz 
20-son 3 –to’plam yanvar 2022 
Sahifa: 101 
 
 
DUNYO MO‘JIZASI-XEOPS PIRAMIDASI 
Yusupova Lobar Maqsud qizi 
Xorazm viloyati Xonqa tumani 
4-umumiy ta‘lim maktabi Tarix fani o‘qituvchisi 
 
Annotatsiya:
Maqolada dunyoning yetti mo‘jizasidan biri hisoblangan, qadimiy Misr 
davlatining dunyoga mashhur obidalaridan biri Xeops piramidasining qurilish tarixi, 
qurilish ashyolari, piramidaning tuzilishi, shuningdek, bu piramidaning Misr tarixida 
tutgan o‘rni haqida yozilgan. Xeops piramidasining insoniyat tarixida tutgan ulkan 
o‘rni ham faktlar asosida yozilgan. 
Kalit so‘zlar:
piramida,Xeops,Nil,sfinks,mastaba
. 
Misr ehromlari. 3-sulolaning birinchi firʼavni Joser (Zoser) boʼlgan. Joser 
ehromi (piramidasi)ning qurilishi katta toshlardan ulkan binolar ixtiro qilgan va 
yozuv sanʼatida yuksak yutuqlarga erishgan meʼmor Imxotep nomi bilan bogʼliq. 
Joser qabri Qohiradan taxminan 6 km narida joylashgan. Toshdan ishlangan bu ulkan 
maqbara dunyodagi eng qadimgi yodgorlikdir. Uning qurilish vaqti eramizdan 
avvalgi 2780 yilga toʼgʼri keladi. Bu inshoot bir qator zinapoyalardan tashkil topgan 
ehrom boʼlib, ustma-ust qoʼyilgan va yuqoriga koʼtarilgan sari kichrayib boruvchi bir 
qancha mastabalar yigʼindisidan iborat. Piramidaning asosi kvadrat boʼlib, u 
qoyaning 25 m ichkarisiga joylashgan. Yana pastroqda esa firʼavnning dafn qilish 
xonasi boʼlgan. Piramida va uning atrofi ohak toshlardan terilgan baland devor bilan 
oʼrab olingan. Аna shu devorning ayrim qismlari hozirgacha saqlangan yoki ular 
qayta tiklangan. Ichki devorning qarama-qarshi tomonida qator yodgorliklar qad 
koʼtargan. Ehtimol, ular har xil xudolarga bagʼishlangan ibodatxonalar boʼlsa kerak. 
Oʼziga xos bir koʼrinishda, butunlay yogʼoch va somondan bunyod etilgan bu bino 
haqiqatda esa toshdan yoʼnib ishlangan, chunki endi shohning kulbasi mangu boʼlishi 
talab etilgan. Imxotepning qiyofasi binoning ichkarisida haykal koʼrinishida paydo 
boʼladi. Bu bilan misrliklar vazirning obroʼsi va qudrati naqadar yuksak ekanligini 
koʼrsatganlar. 3-sulola uning oxirgi firʼavni Snofruning vafoti bilan tamom boʼlgan. 
U tiriklik vaqtida oʼzi uchun tomonlari tekis boʼlgan ikkita ulkan piramida qurdirgan. 

---