Relelarning sinflari, tuzilishi va ishlash negizini o’rganish

Relesining sinflari

Rele quyidagi kattaliklari va bajaradigan vazifalari bilansinflanadi:

• 
  kirishiga berilayotgan signalning fizik kattaligi bo'yicha (elektrik va noelektrik signal);
  
• 
  vazifasi bo'yicha (boshqaruvchi, himoyalovchi, xabarlovchi, bog'lovchi va shunga o‘xshash relelari);
  
• 
  chiqish zanjirlariga ta’sir etish negizi bo'yicha (kontaktli va kontaktsiz);
  
• 
  kirishiga berilayotgan signallarning turi (sifati) bo'yicha (ishlashiga qarab: tok bo‘yicha, kuchlanish bo‘yicha, quvvat bo'yicha, chastota bo‘yicha, qarshilik bo‘yicha va shunga o'xshash kattaliklar bo'yicha ishlovchi relelari);
  

• 
  bajarilishi (konstruksiyasi) bo‘yicha (ochiq, himoyalovchi g‘ilof bilan changdan himoyalangan va germetizatsiyalangan).
  

Hozirgi zamon raqamli avtomatika sistemalarida kontaktli elektromexanik relelari, magnitli, yarimo‘tkazgichli kontaktsiz relelari ishlatilmoqda.

Kontaktli relelarida chiqish kattaligining birdaniga o'zgarishiga chiqish zanjirining ulanishi yoki uzilishi (ochilishi) natijasida erishiladi. Kontaktsiz relelarida chiqish zanjirining R, L, S kattaliklarining birdaniga o‘zgarishi natijasida erishiladi.

Relelarining asosiy xarakteristikalariga statikva dinamik xarakteristikalar kiradi.

Statik xarakteristika relesining chiqish kattaligi (U)ni kirish kattaligi (X) ga bog'liqligini ifodalaydi. Relelarining statik xarakteristikalarining turlari 6.1-rasmda keltirilgan.