Режа: Тиббий назоратнинг дастлабки, такрорий, қўшимча турлари

Ўқувчилар ёшлар саломатлигини тиббий назорати.

РЕЖА:


1.Тиббий назоратнинг дастлабки, такрорий , қўшимча турлари


2.Диспансеризациянинг –тиббий назоратдаги тутган ўрни


3.Шифокор ва тренернинг биргаликда спортчиларни назоратни аҳамияти.

1. 
   Тиббий назоратнинг дастлабки, такрорий , қўшимча турлари
   

Спорт врачлик назорати хонаси. Бу шаҳар ва туман марказидаги махсус белгиланган поликлиникада, шунингдек, йирик ўқув юртлари, йирик спорт иншоатлари (стадион, спорт зали, спорт маркази)да, ширик ишлаб чиқариш корхоналарининг тиббий-санитария бўлимида ташкил этилади.
Спорт врачлик назорат хонаси шифоқорини вазифаси қуйидагилардан иборат:
1.Спорт ташкилоти, ўқув муассасаси, корхона тавсия қилган рўйхат бўйича жисмоний тарбия ва спорт билан шуғулланувчиларни тиббий кўрикдан ўтказиш;
2.Уларни соғлиқ гуруҳларига ажратиш;
3.Жисмоний тарбия ва спорт билан шуғулланиши мумкин ёки мумкин эмаслиги ҳақида тиббий хулоса бериш;
4.Спорт билан шуғулланувчиларнинг машқ ҳажмини белгилаш бўйича тренерга маслаҳат бериш;
5.Мусобақа олдидан спортчиларни тиббий кўрикдан ўтказиш ва қатнашишга хулоса бериш;
6.Тренировка ва мусобақа ўтказиладиган спорт иншооатларини санитария-гигиена назоратидан ўтказади;
7.Спорт мусобақаси даврида спортчиларни овқатланиши, кун тартиби, турар ва машғулот ўтказиладиган жойларни санитария-гигиена назоратидан ўтказади.
8.Касалланган, шикастланган спортчиларга биринчи тиббий ёрдам кўрсатади, зарур бўлса шифохонага юбориш масаласини ҳал қилади.
9.Спортчи касаллиги ёки шикастланиши сабабли даволанишдан қайтгач, унинг соғлиқ ва чиниққанлик ҳолатини эътиборга олган ҳолда, тренировкага рухсат этади, тренировка ҳажмини белгилаш бўйича тренерга маслаҳат беради.
Спорт врачлик назорат диспансери.
Бу вилоят марказида ва вилоятнинг йирик шаҳарларида жойлашади.Соғлиқни сақлаш бошқармаси раҳбарлигида спорт ташкилотлари билан ҳамкорликда фаолият кўрсатади.
Диспансерда спорт тиббиёти бўйича бир нечта мутахассисликдаги шифокорлар ишлайди, ихтисослашган тиббий хоналари бўлади.Жумладан:1.Функсионал диагностика. 2.Физиотерапия.3.Даволаш физқултураси.4.Клиник-биокимё лаборатория каби хоналари бўлади.